Chutih rual chuan, kan veng chhunga Chanmari West Branch MHIP-te thuchhuah, “Ka tar hunin” tih thuziak hian ngaihtuahna a tithui hle mai. Thalai tam tak, nu leh pate enkawlna kawnga mit tling lo tam tak kan awm thei awm e.
Nu leh pa, kum upa zawkte thawh chhuahsain kan inchhekarbawm a, nu leh pate zahna chang hre miah lo leh harhfim mang loin, awka vin leh hmaisen te kan han hmuh zet hi chuan nu leh pate hlutna kan hrethiam phak lo tih a tilang chiang hle mai. Hetiang mite hian Pathian malsawmna an dawng ngai lo tih hi hriat a \ha.
Kan Pathian thu chuan nu leh pa leh kum upa zawkte zah tur tiin min zirtir a. Kan fin zawk leh kan chak zawk vang ngawta aia upate hnuaichhiah tur kan ni lo tih hi i hre thar leh ang u. Aia upate zah thiam hi kan Zonun zemawi tak a ni a, kan Ram leh Hnam Humhalhna kawnga thalaite tihtur pakhat a ni. Thawk chhuak thei tura min enkawl seilian tute chu tu dang ni lovin kan nu leh pate hi an ni si a.
Hemi kawngah hian nu leh pate ngei pawh hian mawh kan phur. Kan fate kan zirtir loh chuan kan chungah a lo tla leh nge nge \hin tih hriaiin, chhungkuaah inzirtir sauh sauh ang u. Chu chuan kan hnam nun a timawi a, chenho a tinuam \hin. Aia upate zahna chang hre lo tu chu a aia naupangte’n an zah ngai bik lo. Mi dangte zah thiam a piang hian zah an hlawh fo.