Chanmari West-a pianga seilian ka ni a, tuna ka awmna hmun N-sect-ah hian kum 1969-ah Chanmari a\angin kan pem thla. YMA leh YMA AW rawngbawlna lama tun dinhmun ka thlen chhoh dan chanchin tlem azawng kan thai lang ve ang e. Mi tana engtham ni lo mah se, ka tan chuan a hriatreng tlak miau si a.
Kum 2003 a\angin Neuva section Y.M.A. Committee-ah ka awm \an a, kum 2006-a section Y.M.A in circulation manager atan an ruat Tv. Lalhmachhuana(Atea) chuan rokhawlhna avanga a chanvo a chelh theih loh avangin a aiawh tura ruat ka ni a, hei hi YMA AW nena kan inzawm \anna a ni ta awm e.
Hemi kum hian ka thawhpuite an fel a, a nuam khawp mai. YMA AW kan chhutna in neitute nupa-Pu Chhuana leh Pi VCHI- te an felin kawm an nuam \hin khawp mai. Kum tharah pawh Branch Hruaite remruatnain chanvote kan insiamrem a, engemaw remchan zawkna avangin YMA AW chhutna hmun chu Cham Cham Store lamah kan insawn a, a dawr neitu Pa Rova a felin a thlengtu nih a tlin thin khawp mai, pa fel tak zawng a lo ni e.
Kum thar hianin thil thar a hring zel a, Pu Dawngtea'n Ramthar lamah min pemsan kum a lo ni bawk a, Pa Thara in lamah insawn chhoh a ni a, Pi Sangpuii’n ei leh in min siamsak \hin a, a chungah kan lawm \hin khawp mai. Pathara in hi YMA AW chhut nan kum hnih ngawt kan hmang ta nghe nghe.
Kum 2010-ah chuan Pa Thara in atangin Dr Tetea in lamah kan in sawn ta a, YMA AW chhutna hmun in neituten an pasalte an \awiawm \hin ang bawkin Pi Nutei pawhin a pasal leh Editorial Board-te min \awiawm \ha \hin khawp mai, zan men lah chu a lo thei phian leh nghal a. Chanchinbu enkawltute thawh hona pawh a \ha \hin khawp mai.
Hemi kum hian Tv Atea chu 'V' section News Editor a ni a, (section secretary nilai a ni bawk) Tv Mahriata’n (V-sect tlangval em em) chuan a pu hi a rawn \awiawm \hin a, an titi ngaihthlak a nuamin a bengvar thlak \hin hle. Thu \ha tinreng min hrilh a, an chungah kan lawm \hin khawp mai. Pu Tete-a'n hotu nih a thiam khawp mai a, a bula awm nuam kan ti \hin khawp mai. Kum a lo thar a, YMA chuan Pa Thara chu YMA AW Editor thar atan an ruat a, rin aiin min enkawl thiam bawk a, a nuam leh pek khawp mai. Hemi kum hian YMA AW chu YMA BUK (T-sect) lamah kan chhu \hin a, T-section YMA hruaitute'n min rawn \awiawm \hin a, a lawmawm \hin khawp mai. Kum 2010 leh 2011-ah hian Pu Lalhmachhuana (MCHA) chuan Vaivakawnah dawr a nei a, veng pa tiin kan dawr ta a ni. Kum 2011 ah hian alawm, tlai khat chu YMA AW lam turin dawrah ka va kal a, an khawl an lo siam \ha a, ka nghak ta a, zing dar 2-ah an siam \ha thei hram a, khua ka nghak var a, zingah ka sem kual ta a , YMA AW vanga ka tlaivar vawi khatna niin ka hria.
Pu Nanga hun a lo thleng a, Branch hruaitute remruatin T-section buk a\angin tuna kan chhutna hmunah hian kan insawn ta a. Pu Nanga'n nupui ei siam thiam tak Pi Zaii a lo nei a, an ina kan chhut \um chuan kan ei tuiin kan hnianghnar thei khawp mai. Kum 2013 chu Tlangval Mangheta leh Pu Chda te Y.M.A. AW lama an kir leh kum a ni a, Pu CHma leh Pu Mapuia te an lo awm ve bawk nen, nuam kan tiin kan hlim \hin khawp mai. Tv Thangkhuma’n (T-a) hmangaihna a chang thar a,,,, a rau thawh dan a zirin kan la ziak zel dawn nia...