A vanglai hun \ha zawng zawng Chanmari/Chanmari West-a hmang zo tu, Tv James Lalchhuanthanga hi/kha Ni 10.12.1931 ah Tuahzawl khuaah a piang a, tunlai \hangthar zingah amah hre lo kan awm nual tawh ang a! Ani aia inti Chanmari West mihring thlang dawn ta ila thlan tur an vang viau mai thei a ni.. Chanmari West pian hma khan Upa Lalhrangluaia In leh Pu Ngurawia te In, Chanmari khi a khawsak tamna hmun a ni \hin a, Pu Dinpuia Sailo of Chanmari te khian a chanchin sawi tur an ngah khawp ang, sawi duh ngat sela chuan, Chanmari lama a khawsaklai hun chu sawi rih lo mai ang.
Zankhat chu, ti ngawt teh ang, Thang hming a hriat zawng kan sawi tir alawm mawle, Thangchep, Thangthleng, Sahdal tih vel a sawi nual hnu ah - A ngul, a tepchho, a valh te a ti vel ta mai mai a. Isua zirtirte 12 te hming an sawi tak tak mai phei chu- Matthaia, Marka, Luka, Ruthi, Marthii etc te sawi chho zel in 18 vel zet sawi tur a hre \hin.
Kan kohhran indan tirh chhoh vel lai- 1985 khan kum 54 mi vel a ni tawh a, zaipawlah a tenor ngat a sa \hin a, rin ai takin a sa dik phian \hin. Radio-a KTP in hla kan thun pawhin tenor ngat a sa \hin a, Pu Lianchhuna’n sa zawi deuh tura a khaplaite mitthlaah a lang uar uar mai. Pu Lianchhuna Solfa vai dan phei chu zir thiam tak a ni
Kan Branch KTP chanchinbu leh YMA AW veng danga pu darhtu ber a ni a, copy 20 vel hi Ja-mesa (ka koh dan) pual liau liau in kan siam chuang \hin a, sem tur a neih tlem deuh chuan a vui nasa thei \hin hle.
Transport Department-ah IV Grade hna a thawk thin a, kum 2010 khan superannuation in a pension tawh nghe nghe. A pension hma daih a\anga Ashma natna vei a ni a, khuh bawrh bawrh chungin a tih tur nia a ngaih chu a \hulh ngai chuang lo.
Sande Sikul lamah hlei hlei a tangkai, a that deuh lai kha chuan Sande Sikul (Presbyterian kohhran) hming lamna lakkhawm a, Sande Sikul Secretary-te hnena dah kha a tihtur liau liau ah a ngai nghet tlat \hin.
A pension hnuah amah enkawltu ber a farnu Pi Rintluangi chu Stroke vangin ramtuileiloin a awm ta si a, hun engemawchen Kawnpui lamah a zu awm ren rawn a, enkawltu mumal awm ta lo chu Tar chawmna In ‘Old Aged Home’ Social Welfare Deptt enkawl, Luangmual Complex, High Court bul lawkah dah ani ta nghe nghe a. Hman deuh lawk khan kan zu tlawh a, a mit leh beng lam a \ha tawh lovin kei, a vuivaina thlen ve na ber pawh mi lo hre mumal tawh lova, a lainatawm hle. Kawng lehlamah chuan a awmpui dangte aiin tlawh/kantu a ngah hle tih thawktu te ka a\angin kan hria a, a lawmawm khawp mai. He khawvelah hun rei zawk min la dampui turin duhsakna ka hlan nghal e.
YMA hruaitute changrel sual ngai lo chuan ngaihtuahna fim, fing tak leh Pa chan chang takin zankhat mitchhin pawh lo tawk palh ta se, Chanmari West Branch YMA chuan YMA VIP a nihna hre rengin Tv James-a ruang hlawm a, ropui taka thlahliam turin an inpeihtlap niin kan lo hria a, a thlamuan thlakin a ropui takzet a ni.