Kan thupuiah lut nghal mai loin, article buatsaih ve lemah a tawi lutuk hian hlawhchhamna chi khat nia ka hriat avangin thil dang ka’n zep lawk ang e.
YMA hna peng hrang hrang ka lo thlir ve \hin hian, kan chanvo chelh hreh ber leh hahthlak ni a ka hriat ‘YMA AW’ buatsaihtu nih hi a ni. Keia thinlungah chuan kumkhat chu sawi loh, kum chanve pawh hi a va rei dawn em. Kan editor lo ni tawh zawng zawng leh a kul a taia ‘YMA AW’ buaipuitu te hi an fakawm ka ti thlawt a ni. Zan sakei an tawng hnem awm em mai.
Nia, heng mi fakawm te’na a hminga hruaitu han nih ve takah chuan article chhuah tur an haihchham changa kan phak tawk ang ang buatsaih tura min ngenna kum engemaw zat a liam takah chuan mualphopui ve hrim hrim turin amah Pu F. Vanlalchhuanga’n ‘Lal Immanuela Ram zauh tur leh, A hming \ana do ve tur hian, mi fing leh remhriate’n an daih zo lo, kan kovah Lalpa’n a nghat ta’ tih dung thulin ‘YMA AW’ enkawltute ngenna ka’n han chhang ve dawn ta a nih hi.
Ka chhanna tur lah thupui neisa lehnghal a ni a, a thlum zawng (request) ni lovin a khal lam thupek (instructions) zawngin kan ram leh hnam mamawh ‘HUMHALH’ chu in sawi dawn teh ang hmiang.
Tun \umah chuan han ti khanglang ila (a dang a awm tawh loh erawh ka hlau hle). Hnam anga chimral kan nih loh nan YMA member, nu leh pa, pawlin kan tih leh tih loh tur lam hawiin bul han \an ila.
Ram leh Hnam Humhalh hi YMA khawmpuilianin vawi-7 ngawt mai YMA Kumpuan atan kan neih tawh hnuah YMA General Conference, 2012 HACHHEK RUN a neih chuan Ram leh Hnam humhalh bawk a thlan leh tak avangin Zofate min hmangaih a, hnam anga min din chhuaktu kan Pathian hian chimrala kan awm hi remti lovin min hrilh lawk (warning) a ni ngei ang. hetiang taka pawimawh a nih avang hian kan hruaitute pawhin Branch anga hmalak kan thiam theih nan kaihhruaina \ha tak duang chhuakin chumi zulzui chuan thusawmpek ang hrimin Branch level leh member tin leh nu leh pa te u, heng hi in thinlunga in vawna kan Ram a dam zel nana ke lo pen turin ka’n sawm che u a ni.
Hnam anga chimral (Population assimilation) kan nih loh nan :
1. In Luah tir: Foreigner, dan lova lo lut te kan dan ve theihna kawng khat chu kan kawm tlangnel loh leh kan in luahtir loh hi a ni. Amaherawhchu, kan diriam kher erawh a \ul lo ang chu. Dan lo va kan vengchhung a hnamdang awmte kan hmun lo ram luahtir mek kan awm a nih chuan chhuahtir mai hi Ram tan a \ha.
2. Sumdawnna thilah: Hnamdang sumdawngte a theih hram chuan dawr loh ngam leh dan lova sumdawng, hnamdang ngat phei chu dawr loh hrim hrim nise. Mizoram khawpui pakhat - Champhaiah chuan hnamdang sumdawng an awm nghet thei lo an ti a, a tak pawh a ni awm e. Mi vengin an theih chuan kan thei ve chiang a ni.
3. Dawr vei vak: Dan lova khawlaia hnamdang thil zuar veivak \hinte, duat taka dan lo bawka an thil zawrhte pawl peka tlaka leisak \hin te pawh a \ha ang em ? an tlangnel zel loh nan.
4. Ram/In hralh: Hnamdang hnenah kan ram leh in hlu takte hi, hlawk zawk pawh nise hralh loh hi kan ram humhalhna a ni.