- Kumpuan Sub-Committee
5. Hnamdang mi inluah tir loh: Hnam dang mi in kan luah tir hian kalpui a ngah \hin, hmelhriat loh mikhual tam tak an thleng a, tui leh inthiarna thlengin a buaithlak \hin. Chumai bakah hnamdang mi in luah tir hian ram leh hnam humhalh kawnga hmalakna nasa takin a ti \huanawp thei tih hria ila, hnamdang mite hi in luah tur nei ten luah tir loh hram a \ha. Ruk ruk leh sualna chi hrang hrang hi heng a\anga in\an te pawh a nihna lai a awm bawk.
6. Mizo hming hawha hnamdang mi sumdawng tir loh: Sumdawnna kawngah hian mahni ngawtin a tih theih loh tih chu dik mahse, mahni hming hawh tira hnamdang mi sumdawn tir hi chu thil \ha a ni lo. Kan hminga hnamdang mi kan sumdawn tir avanga an hnen a\anga pawisa dawn hi kristiante tana tih awm loh tak a ni a YMA member-te phei chuan kan tih loh tawp tur a ni. Hnamdang mi hnawk kan tih viau chuan an thil neih pawh it loh hi a \ha.
7. Zu leh Ruih hlo laka fihlim: Kan sawi \hin kan sawi zel dawn. Kan ram min runtu leh tichhe mektu hi zu leh ruihhlo hi a ni tlat. Kan ram enkawla venghimtu tur Mizo \halaite ruihhlo bawihah kan tang nasa lutuk a, hetianga kan \halaite ruihhlo bawih-a an tan nasat lutuk chuan nakin zelah duh lo hle mah ila hnamdangho hian min la chimral dawn tho tih hi kan hriat nawn fo a \ul hle mai. Ram leh hnam humhalha veng tur hian ruihhlo do hi tih mak mawh leh hmalakna langsar ber a ni lo thei lo a ni. Chuvangchuan tha thlah miah lova zu leh ruihhlo do hi Ram leh hnam humhalh dawn chuan kalpui a la ngai a ni.
8. Ram ngaw leh nungchate humhalh: Thlaler hmuna khawsak hautak zia leh harsat zia hi lehkhabu leh TV lamah kan hmu fo awm e. Kan rama thing leh mau te hi kan humhalh loh chuan kan ram hi mihringte tana chenna tlak lohah kan siam thuai thei. Tui hna awm tirtu hi thing leh mau te an ni a, chu mai bakah a tel loa kan awm theih miah loh boruak thianghlim min siam saktu ramngaw te hian humhalh hi an phu hliah hliah in ka hria. Chaltlang kham leh Mc Donald Hill pang kham te humhalh a nih hnu hian lung lum sawi tur a khat hle mai, a chhan chu thing leh mau te hian lei an ti nghet a, lung lum maithei dinhmuna dingte pawh an lo chelh \hin vang a ni. Ramngaw humhalh tur chuan ramsa leh save te pawh humhalh tel an ngai, mihring, nungcha leh thing leh mau te hi kan in mamawh tawn vek a, a hrangin kan awm thei lo. Thing nget ei \hin sava an tlem chuan thing ngetin thing kha a ei chhe mai \hin, chutiang zelin thil dang pawh. Kan ram hi chenna tlaka siam kan tum a nih chuan heng nungchate leh thing leh mau te hi kan humhalh ngei a ngai a ni.
9. Sawrkar hriatpui loh bank/mimal hnena ram hralh/dahkham loh: Sum kan duh luat avangin a ngam huai huai hnena ram hralh ngawt hi a him lo. Tin, duh ai hian mizote hian loan lak hi kan huai mah mah in ka hria, sawrkar hriatpuina thlapa din Bank tam tak an awm laiin mimalin an din Financial Institution-a loan la hi tam tak an awm \hin. Tun thlenga kan ram economy khawih buaitu chiahpuam kan tih te leh mimal hnena pawisa tam tak dah tang kan awm \euh maite hian sum kan duhna lutukah hian khaw eng kan hmuh loh zia a tilang chiang hle bawk. Tun din hmunah hian Mizorama LSC tam tak chu mimal hnena dahkham a awm a, pawisa puk tuten an pawisa puk an rulh theih loh chuan an ram chan maithei dinhmuna ding hi tam tak an awm a ni. Han sawi zau deuh ila mimal hnena thla khata 2% a pung in loan i la a, a pung hi tlem i ti viau maithei, amaherawhchu kumkhata a pung erawh hi chu 24% daih a ni tih hriat a \ha. Hei hi sawrkar dan dinglai kalh a ni. In hmun lo ram hralh chungchangah pawh hian mi tam tak chuan an hlawkna tur a nih phawt chuan hnamdang mi hnena ram hralh duh mai te pawh an awm. Khawchhak lam mite leh Manipur lam mite hian inhmun hi an ngam huai viau in an sawi a, Aizawl khawpui chhungah pawh hian hmunhma tam tak an nei tawh niawmin an sawi. Mizoram kan hmangaiha humhalh kan duh a nih chuan ram hralh chungchangah hian fimkhur a ngai hle a ni.
Pawisa duh luat avanga mi LSC engtin tin emaw a la chhuak a, a neitute hriat miah lova pawisa puk nana lo dahkham ta daih hi tam tak an awm. Tunlai hian hetiang ang thil avanga court a kal a, thubuai thehlut hi tam tak an awm a ni.
Khing a chunga kan tarlante bakah khian Ram leh hnam humhalh kan duh tak zet a nih chuan te lua awm lova hmalakna tur kawng tam tak a awm, vengchhunga tuiluan-kawr tih fai te, bawlhhlawh paih chungchangah te hian YMA hnatlan ni chauh a tifai \hin ni lovin bawlhhlawh a awm apianga tihfai mai duhna rilru kan putte hi a hun ta hle mai. Chu chu ram leh hnam humhalhna kawng khat a ni tho si a. Local Council-in bawlhhlawh paih dan turah ruahmanna fel fai tak neiin a kalpui reng lai a, tui luankawr-a bawlhhlawh la paih hram hram \hin kan awm a nih chuan kan ram hi kan hmangaih lo hle tihna a ni a, chutiang mi kan awm a nih chuan sim vat a \ha hle a ni.