Thupui a luh hmain YMA foundation i han chhui hmasa lawk teh ang. 1 Korinth 3:17 thu a kan hmuh angin “Pathianin chu a thianghlim si a, chu in chu nangmahni inni e” tih thu kan hmu a. Chutia Pathian in kan nih si chuan a fapa neih chhun chu BC 4 ah a lo pianga, chu chuan “Keini thutak leh nunna ka ni, keimah a kal lo chu tumah Pa hnen an thleng lovang” ti tu khan he khawvela a tisa put lai nite khan tanpui ngaite a tanpui thin a nih kha, chuti chuan keini a hnungzuitute pawh chuan mi tanpui ngaite tanpui chu kan tihtur a lo ni ta reng mai.
YMA motto tanpui ngaite tanpui tih thuah hian khawhar in kal chungchang leh thlansiam chungchang chu subject ah in nei teh ang. YMA foundation chu kan Pathian thu atangin kan hre thawkhat tawh a. Heng ramdang leh State dangte chuan YMA an nei ve lo a, keini a nei chhunte hi kan vannei hle a ni. Kum AD 996 atanga Yangtis luiruam atanga thlang rawn tla thla zelin hnam peng hrang hrang awmkhawm kan ni a, tawng hrang hrangte a tawng kan ni a, tuna kan tawng hman lar tak lusei leh duhlian tawng hmanghote hi mizo kan in ti a, a sual lo thei awm e. Chung mizo culture a bet tel chu tlawmngaihna nun hi a lo ni a, chung tlawmngaihnain hlawmkhawm chu NGO ti a kan hriat pawl lian tak YMA chu a lo ni ta a ni. YMA chu kum 1935 June ni 15 ah alo ding ve ta a. YMA president hmasa ber chu Rev L. Evans a nih kha, chutiang chuan YMA chu keimahni kan lo ni ta reng mai a ni. A lo chhuah dan pawh a ril hle mai a, a ril em avangin vawiin ni thleng pawh hian he pawl zahawm tak leh lian tak hi a la kalchho zel a ni.
Entirnan khawharin kan kalin a veng hmawr deuhah phei chuan YMA an tlem tih theih a ni mai awm e. Mahse YMA in amahin khawharin a kal thei lo, nangmaha YMA a khan a ni khawharin kal thin zawk chu ni, korinth a kan hmuh angin keimahni hi Pathian in chu kan lo ni ta a, YMA pawh chu nangmah a mizo tlawmngaihna lo awm a YMA function-a che chhuak a kha nangmah nge kha YMA kha lo ni ta. Engpawh nise sawi tur tam hle mahse kha lam kha chu duh tawk phawt mai ila, he thu ka rawn ziah tur hi vengchhung intih mualphonaah min ngaihsak lo hram a, thahnemngaih avanga rawn ziak ka ni tih chhiartuten a hmasain min hriatsak turin ka han ngen hmasa che u a ni.
Kan veng chu khawharin kal kan taihmak viau laiin, YMA ten section indin chhawk (inchhiarna) an tih tawh loh vang nge tun hnai atang hian YMA khawharin kal kan tlem tan ta hle mai, in lian vak loah pawh kan khat zo ta meuh lo chu a ni ta der mai. Hruaitu lam atangin a mawiah Kohhran inkhawm zan a ni a, tiin inthlahrung takin thute an sawi a, a engapawh chu lo ni se Kohhran inkhawm zan pawh lo ni ta tehreng se, Section 5 kal khawmte kan beitham hle thin a ni. Section hrang hrang a chhiat tawk veng hmawr lam deuhah phei hi chuan in lian lo takah pawh kan khat zo lo deuh ta fo mai a. Section 1 a mihring awm zat leh Chanmari West a mihring ngaihtuah chuan in khat kan ni deuh ziah turin ka hria. Section dangin min pawlh loh pawh a chhiat tawkte section ringawt pawh khwharin kal taima ila a ziaawm hle ang. Aizawl vengah chuan veng lian pawl tak kan ni a,YMA pawh section 5 ah kan in then a, mihring pawh 5946 lai kan awm. Section tin a tun dinhmuna kan awm dan chu K - 1273, N - 928, T - 1465, V - 1169, CH - 1111. hetiang hi kan dinhmun chu a lo ni ta a, Section khatah khawharin kal mi 60 zet kan kal chang hi chuan mihring 5% hi khawharin kal section khatah kan awm thei. Heta tang hian section tinte tan lak a ngai tih a hriat theih a ni.
Awle, tunah thung chuan Mistiri Association lam in hawi leh teh ang. Kan mizote tih tawh thin angin thlan hi abikin makpa leh thenawm hnai ten siam a ni thin a. Vawiin ni thleng hian hman a la ni chho zel a, mizo nun timawitu leh tlawmngaihna lanchhuah tirna a ni hi a lawmawm hle. Thenkhatten Mistiri Association tihtur leh an mawhphurhna a lo ngai ve palhte pawh awm theih a ni a, heng hi association mawh a ni lo a, YMA mawh a ni bik hran lo, amaherawh chu mizo tlawmngaihnain mistirite an thawkchhuak ve thin takah chuan abika an mawh leh hmalak ngei chu duhthusam a ni a, pawl ang ni lo a, thahnemngaihna vang zawkin theih tawka thlansiamna lam a kal chu kan tih makmawh chu a ni.Tanpui ngaite tanpui hi kan Mizo nun zemawi leh YMA Motto a ni.