Rualute sawi awm tak ni mah se ka rilruah a awm ve tlat mai a, thuhma pawh awm chuang lovin kan thlasik mau puah ve phawng phawng mai teh ang. Khawpui veng \henkhatah chuan thlan laih leh khawhar in riah a awm ta lo, zualko kal ngai lovin phone leh T.V kan hmang ta, khawhar chhungte tan thing khawn leh buhfai khawn pawh a pel \an ta der mai. “Heng zawng zawng hi kan pi leh pute a\anga kan tihdan \ha te kha an ni a, i chhawm nung zel ang u” ti ta ila, Mi mak tih kan hlawh ngei ang le. Kan tihdan \hate bansan kan duh loh vang pawh ni lovin, kan khawsak dan, kan nunphung leh changkanna vangin kan bansan hret hret a lo ngai ta zawk a ni.
Kan veng, Chanmari West-a kan awm hi Nu leh pa leh \halaite hian kan vanneih bikzia hi kan hrethiam phak ang em le? ka ti \hin. Vanneihthlak takin kan YMA hruaitute’n veng \henkhatin an bansan mek, lawmngaihna hi chhawmnun an la tum tlat a, a duh tan khawhar in riah a la theih a, a huhovin thlan kan la laiin thlan kan siam bawk a, mitthi chhungte hnem turin kan tlaivar a, khawhar inah \halaite khawhar hnem turin kan la leng a, mitthi chhungte tan buhfai kan la khawn a, kan theih tawkin thawhlawmte an tan kan la thawh thei hi a va’n vanneihthlak tak em! a tih loh theih loh a ni.
Han ngaihtuah chiang ila, tuna kan tih mekte hi kan duh loh vang pawh ni lovin kan la bansan hret hret dawn a ni. Hei tak hi ka sawi duh chu a ni. Tuna kan nu leh pate hi chuan kan nulat tlangvallai chuan tiin sawi tur an nei ang a. (sawi tur nei lo chu an ngaihtuahawm hle ang) Chuvang chuan nula tlangvalte u, hetianga \henawm khawvengte tana kan theihna, kan tha leh zung kan hman theihlai hian kan theih ang tawkin khawtlang tan hian i in hmang ang u. Han inngaihtuah chiang ila, nula tlangval ve si, vawi khatmah lumena tlaivar ngai lo, tlangval ve si vawi khatmah thlan lai ngai lo, khawhar inah riak ngai lo, mite \anpui a YMA-in tha a thawhnaa vawi khatmah tha seng ngai lo kan ni palh ang tih ava hlauhawm em! Hunte a lo inher liam zel ang a, loh theih lohvin kan lo upa zel dawn a, nu leh pa kan lo nih hunah chuan kan tu leh fate’n sikul lamah Mizo Culture an zir ang a, kan tu leh fa te’n kan hunlai a ni tih an chhut thiam ve awm tho si a, min han zawt ang a “Hengte chu kan lo tih \hin dan a nia” tiin dawt kan hrilh mai ang tih a hlauhawm hle a ni.
Tunah chuan YMA hruaitute kaihhruaina hnuaiah mahni chauha tih hrehawm leh zahthlak tak tur kha kan tiho thei a, lungrual takin khawhar hla sain kan zaiho dial dial thei a. He hun hlu tak hi kan \hatlai hian i hmang am teh ang u, tiin ka’n sawm duh che u a. Kan veng pa tlawmngai tak mai, Pu L.Romawia’n a kalsan tak a chhungte khawhar kan lenpui \um khan, a tir lamah nula hla hril tur an awm mai lova, han hnawn dawn pawhin hla hril thin lo chuan an hnial zel mai si a, chutia hnawn mai tur hre lova hrilhhai takan ka awmlai chuan nula thianzaho an rawn kal a, ka hriat \han ni lo mahse hla hril turin ka lo ti tho a, an hril ngai loh thu an sawi a, mahse pakhat chuan ka ngenna ngai pawimawhin a tih ngai loh ni mah se ti turin a inpuahchah a, ka rilruah a awm ta reng a. Khatianga aia upate thu zawm a, a tih ngai loh pawh a ti mai kha ava entawn tlak tak em! ka ti lo thei lo a ni. Kum a lo thar a Jan. 14. 2013-ah chuan nula boral thu kan han hria a, ka han hrechiang leh zual a, ni 29.12.2012 zan hla hriltu ngei mai..aw! kha nula ngei mai kha a lo ni a, a pawi ka tiin a nu leh pate ka tuarpui tak zet a, khatiang fanu nula thuawih thei an nei erawh ka chhuang in he thuziak pawh hi Nl.VL Hriatpuii hriatreng nan ka rawn ziak a ni e.