Tunhma chuan:
Tun hma kha chuan feh kawng leh Thlamah te nau an neih maite kha thil mak a ni hran lova, tun hnua ka han ngaihtuah let hian naupailaia enkawlna \ha dawng awm reng reng ka hre lo; bawng naupaia paiin an hring ve tawp ni ta berin ka hria. Tunlai dinhmun nena khaikhin chuan khang hun laia mite khan engtin nge dam tak leh hrisel taka nau an hrin theih chu aw ka ti vawng vawng \hin. Pumna, khawsik, kaw\halo, tinreng damdawi atan APC leh em bi number thum te an ni mai a, a bak beisei tur a awm lo. Saphai mit leh Sakuh ril kha an fak viau a, Savawm mit a lar viau bawk. Naupang infiam an intih pem palhin nu in a kutah chil a chhak phawrh phawrh a, “Nu chil chu damdawi” tiin a pemlai ah hnawih pahin a beng thawk thawk a, ngaih\ha takin naupang an awm a, an dam ve leh mai \hin.
Tun hnu chuan:
Tlem lai khan Chanmari West nula leh tlangval rualkhat (an zat chiah ka hre ta lo) Europe ram hmun hrang hrangah Natna kaihhnawih leh a damdawi chi hrang hrang zir chiang turin NLUP sum hmangin an feh chhuak a, anni ho khan an zirlai an bei ngawrh in an thawk rim hle a, an zingah hmeichhia 5 an tel ngei tih erawh ka hria. Natna khirh zual heng HIV/AIDS, Cancer leh Hipetitis-B te ho hi an thlur bing a. Rim taka an beih hnu in kan veng \halaite chuan heng natna enkawl dam theihna hi an hmuchhuak ta zung zung mai a. Kum engemaw zat sapho finna leh khawl changkang maksak tak tak nena an hmuhchhuah theih loh natna khirhkhan enkawl dam theihna kan \halai ten kar lova an hmuchhuak ta mai chu mak an tiin an chung en hle a, an chungah beiseina sang tak an nghat nghal a. European-ho sum leh pai leh an khawlte duh ang angin an hmang thei bawk a, thil chidang hmuhchhuah tumin an in sawrbing leh ta.
Project dang:
Khawvel kalphung pangngaia kum upat vang maia ‘tar’ hi an enghelh em em a, tar theih lohna damdawi hmuhchhuah tumin ngawrh takin an zir leh ta ngat ngat a. Damdawi awmsa chi sangli leh sawmthum pathum chawhpawlhin damdawi chikhat ‘Anti Oldage’ an hmuchhuak leh ta tlat mai le! He damdawi hi capsule angin an siam a, Cameroon pitar pakhat kum 86-a upa, tarkun khau tawh mai experiment atan an ei chhintir a. A ei a\anga minute sarih leh a chanve ah damdawi hnathawh lo lang \anin, a vun chuar te a lo mar a, a zangkul te pawh rawn ngil in minute 43-ah chuan tleirawl kum 18 ang vah mai a lo ni ta a, a hma lawka pitar kha a rawn tleirawl nuih ta ar ar mai a. an va han lawm tlang tehreng em!!
A bula a pasal, kum 91 mi vel, lu \uak var vek tawh chu a pasal niin a hre si, amah a in en a, a pasal a en leh a, mak tiin a hawi tawn sek a. Kan \halaite chu a thiam ang tawk tawkin a pasal hnena damdawi pe ve turin a ngen chiam a. Anni lah chuan damdawi enchhinna tha lutukah ngaiin dose chanve an pe a. Damdawi a ei atanga minute 23-ah a lu\uak var vek tawh chu a rawn dum \an a, minute 72 a ral meuh chuan a thawmhnaw hak lai te chu a tawt ta \ang mai a, kum 35 mi ang velin a rawn lang ta vah mai. Nupui kum 18 mi vel a nei bawk si, hlim tak an ni. An lawm lutuk chuan lawmman atan kan veng \halaite chu an Chawke khawi lai, Kg 3 zeta rit chu an pe nghe nghe a.
Buaithlak ta chu:
Tlailam dar nga vel ah an fate an lo haw khawm a, an nu leh pate aiin an lang upa ta nawk hlawm mai le. Hun a kal zel a, thawmhnaw lamah harsatna an tawk chho ta zel, an fate aia a feng chhing chhing, a duh tui tui, a ha zuih zuih, a kap tawi tawi, a rim tui tui, Handset man to to duh an lo ni ta ! A tira an hlim vei nen Chhungbuaia te an ni ta ringawt mai.
Kan veng thalai te chu he buaina chinfel na’n leh damdawi thar hmuhchhuah tum in an bur leh nghal ngar ngar a, an thil hmuhchhuah ka hriat hma in ka \hangharh ta hlawl mai, ka va’n ui !!!