2. Inthlanah hian khua leh tui dik tak, Vote neite chuan Vote thlak \heuh ni se.
3. Vote thlak tur khawpui a\anga anmahni khaw lama an hawna tur ngaihtuahsak emaw, hmun dang a\anga anmahni Vote awmna lalma an kalna tur ngaihtuah a , insengsova buaipui emaw hi tumahin tih loh ni se.
Inthlan senso chungchang
1. Inthlan hautak lutuk leh senso sang lutuk titlem turin theihtawp chhuah \heuh ni se. MPFten Candidate te leh Party te hnenah pawisa dil emaw dawn khaptlat a ni.
2. House to house campaign hi thil dik lo tam tak inphum ruk theihna leh senso titamtu a nih theih avangin tih loh hi a \ha ber a, amaherawhchu, mipuiten candidate-te an hmuh duh \hin avang leh candidate-te pawhin an bial mipuite tlawh an duh \hin avangin inthlan hma ni 10 thleng chuan house to house campaign Programme siam theih a ni. Chumi hnu lamah erawh chuan tu mahin tih loh ni se.
3. Sum leh therhlo dang hmanga vote lei leh hralh hi tih loh nise. Mipui, Pawl hrang hrang leh Kohhran-te pawhin Party leh Candidate-te hnenah thil phut neih tur a nilo. Chutih rualin thil chi hrang hrang sem, (ENtirnan- Silpouline, Jersey, Football, Mobile Handset, Sawrkar Development kal lai leh NLUP leh thil dangte) hi tih loh ni bok se.
4. Kawngzawh hi inthlan hma Ni10 hnulamah chuan tih loh ni se, ruai\heh leh picnic hi tih loh ni bawk se. Ruai\heh ih hian mikhual chaw eipui te, block leh unit hruaituten \ul bik thilah chaw an ei khawm \hin angte hi a huam lovang. Candidate rulh tura anmahni hriat loha dawr leh hmun dang a\anga thil lo lak leh pekte hi tih loh tur a ni.
5. Candidate te tana inthlan tihautaktu heng - banner, Flag leh Poster-te hi veng tina tar zat tur hengtiang hian bithliah a ni.
* VC /LC Member Pasarih nei chinah.
Banner - 3, Flag - 30 leh Poster 20 thleng.
* VC /LC Member Panga nei chinah.
Banner - 3, Flag - 20 leh Poster 15 thleng.
* VC /LC Member Pathum nei chinah.
Banner - 3, Flag - 10 leh Poster 10 thleng.
* Banner hi ft 18x4 aia lian lo ni se.
Poster hi ft 4x3 aia lian lo ni se.
* Party Symbol lukhum, badge leh sticker-te hi Campaign na hmanruaah hman lo nise.
* Flag , banner leh poster bituk aia tam tar an awm chuan MPF in la thla turin hrilh nise.
Zalen taka inthlan leh venhimna chungchang
* Invau leh inrikrap awm lo turin theihtawp chhuah \heuh ni se.
* Helte hmanruaa hman leh ralthuam chelekna awm thei te huai taka dodal \heuh nise.
* Border leh sensitive area-ah te a tul leh mamawh anga venhimna a awm theih nan hmalak ni se.
Policy Implementation
* A tak ram thleng thei tur leh tihhlawhtlin theih tur chauh manifesto, policy leh programme duan nise.
* Mimal chungchang leh tualchhung thil chauh ni lovin, Party policy leh programme hi campaign-na leh inzawrhna atan hman ni se. Dawt leh thu belhchian dawl lo leh finfiah nghal mai theih loh hmanga inbeih hi tih loh ni se.
Candidate chungchang
Political Party tinin candidate an siam laiin hetiang mi hi candidate atan ruat tura beisei an ni.
* Mi hming\ha, mize nghet leh rilru puitling.
* Mi taima leh rinawm.
* Dik lo leh kut tling lova sum leh thildang hmuh tum lo mi.
(Phek linaah zawm a ni..)
* Zu leh ruihtheih thil dang laka fihlim.
* Mipat hmeichhiatna kawnga sawisel kai lo.
* Ram leh hnam dan pawisa mi leh dikna ngaisang mi.
* Khawtlang leh mahni mihring puite thatna tur duha, chumi atana inhmang peih mi.
* Mahni sakhua, kohhran leh pawla mi hmingtha leh rinawm.
Thawhhona chungchang
(1) Contituency huam chhung khaw lian deuh deuhah MPF leh candidate-te remruatna angin, MPF Constituency Forum kaihhruaina hnuaiah Joint Platform buatsaih theih a ni ang a, chhung tinten candidate an lo hmelhriat theih nan leh an thu leh hla anlo dawnsawn theuh theih nan, a theih leh remchang dan angin, he programme hi Local TV leh Media-ah te pek chhuah nise. Joint Platform hi pawl dang leh mi dangin buatsaih loh nise.
(2) Party malin a hranpa public meeting neih an duh a nih pawhin MPF kaihhruaina hnuaiah ni thei se. MPF awm lohnaah chuan Party malin a remchan dan anga kalpui mai nise.
(3) Vantlang tana thingpui luh loh nise; Pooling booth area bul hnaia electoral roll en leh number pek chhuah hi Political Party-ten a mala buaipui lovin, MPF kaihhruainain fimkhur taka buaipui nise.
7. Tlangkawmna
(1) A chunga 'Thawhhona Thuthlung' tar lan piah lamah hian MPF District Forum, Constituency Forum leh Local Forum ten ruahmanna hran siam loh ni se.
(2) Heng 'Thawhhona Thuthlung' hi bawhchhia an lo awm a, finfiah ngei anih chuan, MPF-in a theih leh remchan dan angin an bawhchhiatna constituency huam chhungah a puangzar ang.
(3) He 'Thawhhona Thuthlung' hi MPF leh Political Party tinin a zau thei ang berin thehdarh nise.
Thawhhona Thuthlung siam hian Party hruaitute leh MPF hotuten vawi thum meeting an nei a. Thuthlung siam fel ni Dt 22.8.2012-a Party aiawh telte’n pawm tlangin hming an ziah hnan.