Kan veng YMA chanchinbu YMA AW-enkawltute zingah hian Kum 2006 kum kawp lam a\ang khan a ka tel ve a, Section tinten an aiawh tur Circulation Manager an ruat \hin lai kha a ni nghe nghe. Kum 2007 a lo inherchhuak a, Section tinten an section a\anga Circulation Manager an ruat \hin chu YMA AW Agent tia thlak a ni ta a. Kei erawh chu YMA AW Editorial Board zingah Circulation Manager hna chelh turin ruat ka ni leh a. Tin, Branch O.B incharge atan Pu K. Darthantluanga, Secretary chu ruat a ni bawk. Heta \ang hian YMA AW Agent hi Section ten an ruat chho ta a ni. Hemi kum hian YMA AW enkawltute thawhhona a \hain a nuam thei hle. Editor Pu Chhuana'n a zir bawk a, RNI nei tura buaipui a ni bawk. Milem danglam tak takte tarlan niin, hmuh leh a chakawm \hin hle.
Kum 2008-khan YMA AW enkawl tu zingah ka tel leh a, Circulation Manager hna bawk ka kutah a tla leh a. Production Manager chu Pu RL Thanhnuna'n a chelh ve thung a, hemi kum a\ang hian Production Manager chu Branch OB ten an chelh chho ta zel a ni. Hemi kum vek hian Literature Sub-Committee Member-ah ruat ka ni bawk. Literature Sub-Committee te hian YMA Zaipawl kan enkawl a, Editor Pathara Inah YMA AW kan chhu \hin a, titi thiam Pi Sangpuii, Pathara sakawr titi a ngaihthlaknawm thei khawp mai. Khatih hun laia Inrinni chhuna Pathara dawra thingpui kan inho laite kha ka ngaihtuah let hian a lo va ngaihawm \hin tak em!
Kum 2009 a lo inherchhuah chuan, kum thum lai ka telh tawh avangin YMA AW enkawltute zinga awm lo turin zawngin ngenna ka siam avangin ka chawl ta a, mahse kan Section hruaitute lamin YMA AW Agent atan min ruat leh tak tho avangin ka awm leh ta tho a. Circulation Manager hna ka chelh lai ang tho, mahse buai dan erawh tlemin a ziaawm deuh. Kumtir lamah Pathara'n, "Keiman ka lo dah tawh mai a nge," a ti a. Tlai khat chu 6:00pm-ah YMA AW lam turin ka han kal a, Loisbet-ah ka kal hmasa a, "an la dah lo" an lo ti mai chuh!! Ka thin a rim khawp mai. Chuan 7:00pm-ah chuan an lo dah ve ta a. Tun thleng pawh hian Press-a thawkte chuan sawi chhuah chang an la nei zauh zauh \hin.
Kum 2010 a lo inherchhuah chuan Editor pawh inthlak chhoin, Editor chanvo ropui tak chu Pu Lalramliana (Tete-a) kutah nghah a ni a. Hemi kum hian kumtir lamah ruat ka ni lova, Circulation Manager pakhat veng dangah a pem avangin kum laklawhah ruat ka ni leh ta a. Hemi kum hian Editor In-ah YMA AW hi kan buatsaih \hin a, a thlengtu kan Editor ten min thleng hneh bawk a, a nuam thei hle. A neitunu Pi Nute-i inpekna mawlh kha a ropui ka tiin ka fak ning thei thlawt lo a ni. Hemi kum hi mimal ina kan chhut hnuhnung ber ni tain ka hria.
Kum 2011 a lo inherchhuah chuan Pa Dinga, Pi Dingpuii pasal ngeiin min ho ta a. Branch President makpa a ni bawk nen, mimal ina tih reng aichuan tiin, kum laklawh a\ang khan YMA Buk lamah kan insuan ta a. Hemi kum hian kan Joint Editor RK Malsawmkima chuan a nakruh bo hmuin, sa bel a chhuang khu \euh mai a, kan puar tlang hle. Pi Aro-i thingpui lum tui tak kan in thei ta lo erawh chhawl a hal duh deuh. Tin, kum 2010 leh 2012 chhung hian kan chhutna \hin Loisbet a\anga insawnin Pu MCH-a press (Mocha Art Works), Vaivakawn lamah kan chhuttir thung a ni.
Kum 2012-ah chuan Pu Nanga hovin YMA AW chu tluang takin kan kal chho leh a, ani hi a felin ama’n a zir bawk a, a nuam thei hle a ni. YMA AW enkawltute zinga ka awm tawh chinah chuan nuam ka tih ber \um a ni hial awm e. Tin, mahni chanvo \heuh kan enkawl hneh tlang hle a, a nuam thei hle.