Election Commission of India thupek angin special Summary Revision of Electoral Rolls, 2013 chu Dt 1-31.10.2012 chhungin neih a ni dawn a. India khua leh tui dik tak, Ni 1.1.2013-a kum 18 tling chin, Roll-a hming thun lut thar duhte chuan heng a hnuaia mite hnenah hian dilna form lain a dil theih e.
1) 12/4 Chanmari West I (V Sect leh CH Sect Thlanmual hlui Step hmar lam chin) :
Pi C. Vanlalchhuangi leh Pu JH Hmingthanchuanga
2) 12/4 Chanmari West II (CH Sect Thlanmual hlui Step chhimlam chin leh T Sect) :
Pu Lalrinliana (Sir Te-a) leh Pu C. Lalmuankima
3) 12/4 Chanmari West III (K Sect leh N Sect) :
Pu Lalrinchhana leh Pu Lalbiakzuala
Dilna form-ah hian Pastport size thlalak 2 copies leh Birth Certificate (Xerox Copy) thiltel tur a ni ang.
Sd/- Zothangzuala Chhangte
Supervisor
12-Aizawl North III (ST)
LAWMTHU SAWINA
Ni 25.9.2012 (Thawhlehni) a boral ka thian nu Vanlalhruaii boral chungchangah Chanmari West Br. YMA leh khawtlang mipui ten min bawihsawmna, min tuamhlawm avang te, Br. YMA in kuang mawi tak min siam sak te, min khawngaih a min raltu leh puan a min tuamtute leh YMA member zawng zawngte leh khawtlang mipui chungah lawmthu kan sawi tak zet a ni.
Inkhawngaihna dawngtu
R Lalhuapliana (Ramfangzauva U)
Chhawrtui
BADMINTON NEWS
@Ni 26-29.9.2012 chhung a Aizawl North Zone Batminton Tournament khelh zawh takah hetiang hian chhuah ve a ni.
@Club memberte thawhkhawm in Indoorah Light 24 vueh belh a ni.
@Ni 7.10.2012 atang a Kanan Veng in Tournament an siam turah memberte tel vek turin an in ngen a, tel duhte’n Pu R Lalrammawia hnenah ngaihven theih a ni.
THLANMUAL SUB-COMMITTEE
@ Ni 29.9.2012 (Inrinni) nileng khan kuang duan hnatlang neih a ni a, member kal an tha hle.
@ Vengchhungah chhiattawk an awm chuan, Kuang hi YMA Zawlbuk a mi lak mai theih a ni a, Kuang chhungah hian Kuang tuamna dah nghal vek bawk a ni.
TANPUINA DAWNG LEH
Lung lumin kan vengchhunga In a tihchhiatte tanpuina tur Pi Zothansangi Sailo te chhungin Rs 500/-an rawn thawh.
CENTRAL YMA NEWS
@ Ni 21.9.2012 khan CEC meeting a ni.
@ Electoral Roll fel fai leh tha tak kan neih theih nan Sub-Hqrs. tinah Tuihna Humhalh Beihpui hawnnaah Electoral Rolll chungchang hi sawi lan ni se, Chief Minister/Home Minister sawipui nise, AERO te kohkawmin Electoral Roll dik kan neih theih nan hmalak dan tur sawiho pui ni se, Electoral Roll Hearing kan neih thinah YMA aiawhte mi pakhat aia tam tel zel tawh nise, veng/khaw tina YMA ten Electoral Roll-a lut tur complaint an neih ang angte Central YMA-ah report pe thin se an ti.
@LPG harsatna leh tihchingpen chungchangah FCS&CA te nen Memorandum of Understanding kan lo sign tawh angin Gas tihchingpen a reh theih nan Central YMA-in hma lain check thin tum a ni.
@Presbyterian Kohhranin Phun-chawng leh Rangvamual-a zu zuar tam lutuk tihrem an tumna kawnga an hmalaknaah phungbawma an sawm chuan puih ngei tha an ti.
@ Ni 21.9.2012 tlai dar 2:00 khan Lawmthanga Kum 35 S/o Lallawmzuala, Zokhawthar (L) leh Lalbiakmuana Kum 30 S/o Vailianchhawna Zokhawthar (R) inti te hnen atangin CADS Duty ten No. 4 (Heroin) Hawng 1, Rs. 70,000/- hu an man a, Excise hnenah hlan an ni.
@ Ni 25.9.2012 khan Sub-Hqrs. YMA, Serchhip (New Serchhip YMA Hall)-ah Tuihna Humhalh Beihpui hawnna neih a ni a, Sub-Hqrs. YMA Serchhip hnuaia Group leh Branch YMA aiawhte an tel a, Central YMA atangin Pu R. Lalngheta, Treasurer, Pu Laldawngliana CEC, Pu Lalrinmawia Sohnel CEC leh Dr. Lalnuntluanga ten an hmanpui.
@Ni 25.9.2012 khan D-3 Inter Branch YMA Volleyball Tournament 2012 chu Govt. Mizo School Field, Zarkawtah a hawn a ni a, Pu J. Lalsailova, Fin. Secretary-in a hawng.
@ Ni 27.9.2012 khan Mizoram Rural Bank (MRB) chuan Central YMA hnenah Ruang phurhna motor (Morgue Van) an pe.
@Ni 28.9.2012 hian Sub-Hqrs. YMA, Kolasib-ah Tuihna Humhalh Beihpui hawnna programme hman a ni a, Central YMA atangin Pu Vanlalruata, Gen. Secretary, Pu Lalhmangaiha CEC, Pu Lalrinmawia Sohnel CEC, Pu Vanlalmuana Pautu CEC leh Pu Lalnuntluanga CEC ten an hmanpui.
ZOFA NEWS
@ Ni 29.9.2012 (Inrinni) a Ral Lu Lam Documentary Film shooting neih an tum chu ruahtui ala tlak tam rih em avangin Ni 6.10.2012 (Inrinni) atan an sawn a, Ni 3.10.2012 (Nilai) zan inkhawm ban hian he shooting-a tel turte chu Pu Zonunsanga (Patea) te inah rehearsal neih tur a ni e.
@ An Vice President Pu VL Thakima chu hritlang awmna avangin pawn a chhuak peih meuh lova, a dam that leh thuai an duhsak hle.
@ Ni 28.9.2012 (Zirtawp) zan khan President inah Executive Committee an thukhawm a, thu pawimawh tak tak an rel.
@ An hruaitu Tv Zohmingliana Tlau chu a nu Pi Lalzami Durtlang Damdawi In lama a awmpui avangin a buai hle, dam taka an lo chhuah leh ngei an duhsak.
HRIATTIRNA LEH NGENNA
Tunkar Ni 2.10.2012 (Thawhleh) zingkarah hian Section chhungah ‘Faina Hnatlang’ neih tur a ni a, YMA member tawh phawt chu he hnatlangah hian thawkchhuak vek tura ngen kan ni e. Zing Dar 6:00 ah CV Library kawtah innghahkhawm tur a ni.
Secretary
Taitesena Section, CWBYMA