Ni 29.10.2013 (Thawhleh) zan khan Pu R Lalmalsawma (Vanapa Section) inah Chanmari West Branch YMA Executive Meeting neih a ni a, kumtir lama Meeting-in kumin chhunga Branch hmalakana tura a lo ruahman tawh (Action Plan) pakhat, Section hrang hrangte tana Inelna siam chu November thla chhung ngei hian neih nise tiin he meeting hian a rel.
Ni 29.10.2013-zana Branch Executive Meeting hian Branch Action Plan-a lo dah tawh, Section hrang hrangte Inelna buatsaih chu engti anga kalpui tur nge tih ngun takin a ngaihtuah a, Indoor Games hmanga inelna hi buatsaih nise tiin lungrual takin thutlukna an siam a, hmala turin Organizing Committee hetiang hian an din nghal.
Chairman : Pu K Darthantluanga, Vice President
Secretary : Pu Zonunsanga, Executive Member
Member :
Pu PC Lalawmawia (V-sect)
Pu JK Zosangliana (CH-sect)
Pu EVL Hruaitluanga (N-sect)
Tv Lalrinzuala (T-sect)
Tv Israela (K-sect)
Ni 29.10.2013-zana Branch Executive Meeting hian 68th YMA General Conference hman zawh taka Branch hmalakna leh chanvo neihte a thlirlet bawk a. Branch aiawha Zaipawl leh Drama \ha taka tihhlawhtlin a ni chu lawmawm a tiin, chanvo tihlawhtlingtute zawng zawng chungah Meeting chuan lawmthu a sawi.
Chanmari West Branch YMA-in Conference Agenda atana kan thawh “Central YMA-in Pem Lehkha a hman mekah hian Epic No. ziahlan bakah Epic Photo copy thil tel ni rawh se” tih Conference Rorelin a pawm chu Meeting chuan lawmawm a ti hle bawk.
Conference hmang tura kalte lo buaipui a, kal lam leh haw lama thingpui lo lumsaktute leh chawhlui lo buatsaihsaktute chungah Meeting chuan lawmthu a sawi bawk.
Conference kalna tura sawm thawhkhawm chu $ 19450 niin, hmanral chu $ 61860 a nih thu Fin.Secy hnen a\angin report dawn a ni a, sum chet vel dan hi Meeting chuan lungrual takin an pawm bawk.
Institutional Finance & State Lottery, Director atanga RBI Financial Education Series Comics milem bu 5, YMA Library-a dah tura an rawn pek chu CVTTP Library-a dah nise Meeting chuan a ti.
Ni 13.11.2013 (Nilai) dar 10:30-a Central Co-ordination Committee (CCC) Meeting Tuikhuahtlang YMA Hall-a neih turah Branch aiawha tel turin Pu R Lalhmachhuana, Branch Treasurer chu Meeting-in a ruat.
Central YMA hnuaia Legal Sub-Committee Chairman atana Pu K Darthantluanga (Branch Vice President) ruat a ni chu Meeting chuan lawmawm a ti hle a, theih tawpa \awiawm nise a ti bawk. Tin, Central YMA Sub-Comt peng hrang hranga member tur mi pathum ruat tura Central YMA-in a tih angin heng mite hi Meeting chuan a ruat bawk.
1) Pu RL Thanhnuna
2) Pu VL Thakima
3) Pu Lalchhanhima
Veng chhunga Chhiattawk chhungkua \henkhatte’n YMA hnena lawmthu sawi nana Thilpek an hlan \hin dawn chungchang chu meeting chuan ngun takin a ngaihtuah a, hetiang thilpek pek tum awm ang hriat a nih chuan pe lo tura hrilh \hin nise, pe lo tura inkhap a rem chiah lova hriat a nih avangin Thilpek petu hnena lawmthu sawina lam hawi hi YMA AW-ah tarlan loh nise Meeting chuan a ti bawk. Section-ah an lo pe a nih pawhin Branch-ah hriattir hmasak zel \hin nise tih a ni bawk. He thilpek hian Chhiat tawhna lam ni lo, thil danga thilpek chu huamtir loh ni se, Meeting chuan a ti.