Ni 8.11.2013 (Zirtawp) zana Branch Executive Meeting chuan Sport Organizing Committee-in a lo rel tawh Chanmari West Branch YMA member-te tana Intihhlimna hun chu Ni 14.11.2013 (Ninga) zan a\ang hian Indoor Stadium-ah neih nise a ti. He intihhlimna hun hi Pu C Lalzarliana, President CWBYMA chuan zan dar 6:30-ah a hawng ang.
Branch Executive Meeting hmasa lamin a lo rel tawh angin he Intihhlimna hun hman dan tur hi Organising Committee chuan uluk takin a lo ngaihtuah hmasa a, rawtna an rawn siam chu Branch Executive Meeting chuan ennawnin hetiang hian ruahmanna siam a ni. Intihhlimna tur item-te
1 Volleyball (Mipa & Hmeichhia)
2 Badminton (Mipa) Double 2 pairs
3 Table Tennis (Mipa) Double 1 pair
Heng bakah hian Volleyball-ah hian Branch OB, Section OB leh Branch Executive Member-te tan intihsiakna buatsaih a ni bawk ang.
Item hrang hranga Lawmman tur pawh hetiang hian siam a ni:
1) Item tina Pakhatna - Rs 500
2) Item tina Pahnihna - Rs200
3) Participation Prize -Rs 100
4) Overall Champion hnenah Thuziak (Citation) pek a ni ang.
Item pathum atan hian Section tinin Entry Fee Rs 500 chu Nov ni 13 ral hmain Pu C Zonunsanga, Organising Secretary hnenah pek tur a ni.
Tin, he intihhlimna atana kaihhruaina hetiang hian siam a ni bawk.
1) Item tina inkhelh dan tur (rules) chu Org. Comt kutah a awm ang.
2) He intihhlimnaa tel turte chu section huam chhung mi, Chanmari West Branch YMA member an ni ngei tur a ni.
3) Mi pakhatin Team khat tan chauh a khel thei ang.
4) Volleyball, mipa leh hmeichhia ah hian section tin a\angin Team khat \heuh tel tur a ni.
5) Intihhlimna hrang hranga tel turte hian Infiammite inthuamna (Sport Dress) dik tak chauh an inbel tur a ni.
6) Intihhlimna item pathumte hi Best of Three hmanga a chak zawk zawn tur a ni ang.
Heng intihhlimna item hrang hrangte hi a remchan dan ang zelin zan lamah Indoor Stadium-ah khelh \hin tura ruahman a ni a, Ni 23.11.2013 (Inrinni) chhunah Intihhlimna kharna hun hi ropui takin Indoor Stadium-ah hman a ni ang. He intihhlimna hian a tum ber chu in\hian\hatna a ni tih hre chung a; he hun hi hlimawm taka hmang \heuh turin Branch Executive Meeting chuan member-te a ngen takzet a ni.
ADVANCE KRISMAS & KUM 2014 HRUATU THLAN
Ni 17.12.2013 (Thawhleh) zan hian Advance Krismas leh kum 2014 hruaitu tur thlanna YMA Zawlbukah neih tum a ni.
PUAK THEI THIL LEH SILAI LEM
Chanmari West Branch YMA chuan mihring hriselna tichhe thei, puak thei thil-halpuah leh halmawi, silai lem (a mu nei) sorkar phal loh vengchhung mipuite zuar lo leh hal lo/hmang lo turin a ngen.