Branch Executive Meeting-in a lo rel tawh angin Ni 17.12.2013 (Thawhleh) zan khan YMA Zawlbuk-ah kum 2014 chhung atana Branch YMA hruaitu thlan a ni a, hemi rual hian Advanced Krismas hlimawm tak hman a ni. Kum 2014 chhunga Branch YMA President atan Pu C Lalzarliana thlan a ni.
Ni 17.12.2013 (Thawhleh) zana hruaitu thlan leh Advance Krismas hun hi Pu C Lalzarliana (President-2013) chuan hneh takin a kaihruai a, Pu Thanseia (Branch Executive member) chuan Pathian hnenah he hun hi a hlan.
Inthlan programme tan hmain kum 2013 chhunga YMA member boral mi 18-te sunna hun hman a ni a, Branch YMA Secretary Tv Zairemmawia’n mitthi te hming leh an boral hunte sawiin, Branch YMA Zaipawl te’n sunna hla an sa a, mitthi sun nan hian kalkhawm mipuite ngawi rengin minute 1 an ding bawk.
Sunna hun hman zawh hian Pu A Biaklawma (Adviser, Branch YMA) kaihhruaiin kum 2014 chhung atana Branch hruaitu (Office Bearer) thlan a ni. Inthlanna hi post by post a neih a ni. Kum 2014 chhung atana Branch OB atana thlan chhuahte chu:
President Pu C Lalzarliana
V.President Pu K Darthantluanga
Secretary Tv Zairemmawia
Asst. Secy Pu RL Thanhnuna
Treasurer Pu R Lalhmachhuana
Fin. Secy Pu Lalrinliana
Inthlanna hun tluang taka neih a nih zawh hian President thlan thar Pu C Lalzarliana hnen a\angin thusawi ngaihthlak a ni a, Pu C Lalzarliana chuan kum 2014 chhunga YMA kaihhruaina kawnga thawhpui turin member kalkhawmte a sawm.
Hun hnung lamah Advance Krismas hman chhunzawm a ni a, veng chhunga zaithiam- Nl C Lalbiakzuali, Nl C Lalrinsangi, Nl PC Lalrinliani, Tv C Lalnunfela leh Tv B Lalhruaitluanga te leh Branch YMA Zaipawl te’n kalkhawmte zaiin an awi a, mipui an tihlim hle. Hemi zan hian mi vannei bik mi 20 hnenah Krismas Thilpek hlan a ni bawk.
Krismas Carol Service Neih A Ni
Ni 19.12.2013 (Ninga) zan khan Branch YMA bultumin Krismas Carol Service neih a ni. Carol programme hi YMA Zawlbuk-ah bul \anin veng chhung hmun hrang hrang hmun 13-ah Pathian faka zaia hun hman a ni a. YMA Park-ah hun tawp siamin, ei leh in tui tak nen hun hman a ni a, kalkhawm mipui te chuan he hun hi an kham lo hle. Zan dar 12 velah Carol Service hi an \in.