Ni 14.11.2013 (Ninga) zing dar 7:00 khan Chanmari West leh Hunthar Veng inrina, tlak lam Pu Chhawnzinga tuikhuah bul velah hian Kawngkam hnim samfai leh kawngpui dung hnawkte thianfaiin Chanmari West Branch YMA member-te hnatlanga thawh chhuah a ni a. He hnatlangah hian Chanmari West Branch YMA member 59 an thawk chhuak a, hnatlanga thawk chhuakte chungah hian Branch YMA chuan lawmthu a sawi rualin kan Branch huam chhunga member zat a\anga chhuta hetiang zat chauh kan thawk chhuak chu pawi a ti hle. YMA member-te YMA activities ngai pawimawh deuh deuh turin a ngen bawk.
THISEN PEK RUNPUI
Dec ni 13, 2013 (Zirtawp) ni hian ZOFA Cultural Club-te huaihawtin a mamawhtute hman atan Aizawl Civil Hospital-ah Thisen Pek Runpui neih tum a ni a, veng mipuite Thisen pe thei \heuh turin ZOFA Cultural Club chuan an sawm. Thisen pe thei turte chuan tun thla (November) chhung ngei hian ZOFA Cultural Club Asst. Secy, Mangheta (Ph no-9862358337) ah inhriattir tur a ni e. Club member-te phei chu pe thei ngei tura beisei an ni.
Joint platform-ah YMA Zawlbuk an sawi
YMA AW report :
Zirtawp zan khan YMA Park, Chawngbawla section-ah November 25-a Mizoram Assembly inthlanpui lo awm tura Aizawl North III constituency candidate palite tan Mizoram People Forum (MPF) buatsaih joint platform neih a ni a, YMA Zawkbuk chungchang bakah hma an lak dan tur chi hrang hrang MLA nih tumten an sawi.
Minute 15 theuh hun pek an ni a, Bialtu MLA leh Indian National Congress candidate Pu Lal Thanzara chuan kum nga chhunga a intiam anga YMA Zawlbuk sak puitlinna tur a tihhlawhtlin loh chhan chu YMA hruaitute'n an nawr tawk lo nia a hriat thu a sawi a, bialtu MLA a nih chhungin Chanmari West hmasawn nan Rs vaibelchhe 2 vel hman a ni a, mipui mittlunga veng chhung hmasawn nan hmalak zui a tum dan kawng hrang hrang a sawi bawk.
BJP candidate Pu Lalbiakmawia'n hun an pek chhung hmang tluan lovin Chanmari West leh Mizoram tan hma a lak dan tur a tarlang. ZNP candidate Pu RK Daniala chuan bial danga joint platform an neih tawhah YMA Hall tha tak takah hun an hmang thin a, Chanmari West-ah khawlaia hman a ngai bik chu rualawhthlak a ti hle a, YMA Hall tha tak Chanmari West-in a neih ngei theih nan hmalak ngei a tum a, ram pum huapin Mizoramin a beisei, mipui sorkar din ngei an tum tih a sawi bawk.
A hnuhnung berah MDA candidate Pu Lalchhandama Ralte chuan a sawi a, veng chhung mamawh hre chiang tawka a inhriat avangin hmalakna tur a sawi tam lo hle a, khawtlang hruaitute'n YMA Park atanga YMA Zawlbuk thlenga lirthei kal theihna tur buatsaih tuma hma an lakna chak taka bawhzui a, tihpuitlin ngei a tum thu a sawi.
Zawh belhnaah Pu Chhantea hian kum hnih leh a chanve MLA a nih chhungin YMA hruaitute nen thawk hovin YMA Zawlbuk atan sorkar atangin Rs nuai 21 hmuh a nih thu a sawi a, tihpuitlin a nih theih nan ngaih pawimawh hmasakah neih a tum tih a sawi lang.
Pu Thanzara'n zawh belhnaah kum nga chhunga veng chhunga hma a lakna thlalak nena tarlanna, Congress siam lehkhabu 'Hlimthla' chungchangah thil dik tawk lo a tel em tih zawhna chhangin a sawifiah a, tihsual a awm a nih chuan ngaihdam a dil thu a sawi rualin a thawktu chu tute pawh ni se Congress sorkar hnuaia hmalakna vek a ni, a ti.
Chanmari West awmna bial Aizawl North III-ah hian veng paruk awmin, MPF-in veng tinah common platform a buatsaih a, Edentharah bultanin Chanmari, Zarkawt leh Electric Venga an neih hnuin kan vengah buatsaih a ni a, Huntharah hmawrbawk a ni ve thung ang.