Chanmari West Branch YMA-in member-te tana Indoor Items hmanga Intihhlimna hun a buatsaih chu Ni 14.11.2013 (Ninga) zanah hawn niin, ni 23.11.2013 (Inrinni) chhun khan ropui taka khar a ni. Indoor Items hmanga intihhlimna kharna hun hi Pu K Darthantluanga, Vice President, CWBYMA, Organising Committee Chairman ni bawk chuan a kaihruai a, lawmman semin hun hlimawm tak hman a ni.
Indoor Items pathum- Volleyball, Badminton leh Table Tennis hmanga Intihhlimna hun hi hman a ni a. Heng item pathum bakah hian Branch OB, Section OB leh Branch Executive Member-te chuan Volleyball hmangin intihhlimna hun hi an hmang ve bawk.
Items pathumte hi zan lam hun remchangah Ni 14.11.2013 zan a\angin khelh tan a ni a, Ni 23.11.2013 (Inrinni) chhunah Final khelh a ni. Items hrang hranga result chu hetiang hi a ni.
Badminton
Champion- Lalbiakkima Sailo & Zohmangaiha (T-sect)
Runner’s Up - RK Ramherliana & R Lalrammawia (V-sect)
Table Tennis
Champion - David Malsawmkima & Lalnunsanga (K-sect)
Runner’s Up - Vanlalfawna & Zorama (T-sect)
Volleyball (Hmeichhia)
Champion - Chawngbawla Sect
Runner’s Up-Neuva Sect
Volleyball (Mipa)
Champion - Taitesena Sect
Runner’s Up- Khuangchera Sect
Volleyball (Hruaitu)
Champion - Neuva Sect OB
Runner’s Up - Khuangchera Sect OB
A pumpuiah Taitesena Section chuan Gold medal 2 leh Silver medal pakhat lain Champion an ni a, Khuangchera Section chu Gold pakhat leh Silver pakhat lain Pahnihna an ni.
Chawngbawla Section chuan Gold pakhat an la a, Neuva leh Vanapa Section chuan Silver 1 ve ve an la.
Overall Champion Taitesena Section chu Branch Executive chuan a lawmpui hle. Chutih rualin he intihhlimna huna member kan tel \ha tawk lo \hin chu Branch chuan pawi a tiin member-te Branch Activities hrang hranga \an la leh zual turin a beisei bawk. He intihhlimna hun atan hian $ 6340 senral a ni. Intihhlimna hun hi Organising Committee chuan hneh takin a buatsaih a, an hmalakna leh inpeknaah Branch Executive chuan lawmthu a sawi a, a thlawna Indoor Stadium hmantirtu Indoor Stadium Management Committee chungah leh a thlawna Banner mawi tak siamsaktu Pu Lalnunthara Sailo (Gemini Enterprise) te chungah Branch Executive chuan lawmthu a sawi bawk.
BRANCH HMACHHAWP THENKHATTE
* Ni 14.12.2013 (Inrinni) zing karah YMA Chhang pualin Faina Hnatlang neih tum a ni a, chhun dar 10:00 a\angin Indoor Stadium-ah Intihhlimna hun buatsaih a ni bawk ang.
* ZOFA Cultural Club-in Ni 13.12.2013 (Zirtawp) a Thisen Pek Runpui a buatsaih turah \awiawm tura Branch Executive a sawm angin theih anga telpui tum a ni.
* Ni 17.12.2013 (Thawhleh) zan dar 7:00 hian YMA Zawlbuk ah Advance Krismas leh Kum 2014 chhung atana hruaitu tur thlanna neih a ni ang.
* Ni 19.12.2013 (Ninga) zan dar 7:00 hian YMA Zawlbuk-ah Krismas Carol Service buatsaih a ni dawn. Zawlbuk a\ang hian chhuakin veng chhung hmun hrang hrangah zai tur a ni ang.
* Krismas leh Kumthar vuakvetah section tinte tlawmngaia Duty tur a ni a, Duty hun chhung hi December ni 21 a\anga January ni 3, 2014 thleng a ni ang.
* Kumin Krismas denchhen hian vengpawnah Branch hmingin Krismas Thilpek Home pahnihah $ 10,000 ve vea pek tum a ni. Hemi atan hian Branch sum bakah Branch Executive Member leh Adviser te’n a remchan anga thawhkhawm tum a ni.