Veng dang branch-te hian eng angin nge member an inlak a, keini aia vengte zawk nia lang si hi kan phak lo em em a, member lak danah hian kan inen nawn a tha awm e. Tun hma deuh khan inchhiar kan ching thin a, thil reng rengah khan percentage a lak a nih thin avang khan member lakah kan lo fir deuh pawh a ni thei e, chu chuan tun thleng hian min nghawng pawh a ni thei bawk.
Member tam nih hrim hrim hi a hlu a ni hran lo va, chutihlaiin, lian ve hle nia kan inngaih lai leh Central YMA lam pawhin min ngai pawimawh ve viau tura kan lo inngaih lai leh CEC palian kan tih ang pawh nei ve ziah tura kan lo inngaih lai hian keini aia lian ngaih pawimawh zawk tur an lo tam hle a ni. Engpawh chu lo nise, tam leh tlem lam ngawt ai chuan kan tihtur pual tha leh hlawhtling taka kan hlenchhuah hi a tha ber zawk awm e, chu chu kan dinchhan a ni zawk si a.