Tunlaiin kan vengin kawng hrang hrangah intihsiakna hmachhawn turin kan inbuatsaih mek a, veng mipuite fuihna leh fakna hian kawngro a su tih hriain kan veng hmalakna lamah rilru i pe deuh deuh ang u.
CWFC chu vanduai thlak takin an intihsiakna kal mek atangin an lo tawp ta a, kan player-te inpekna a fakawmin veng mipuite tawiawmna pawh a ropui khawp mai. Kan chak lohna hi insiamthat nan hmang ngei se, hmasawn zel turin veng mipuite’n an beisei tlat a ni.
Section bila hnam lam intihsiak kan zo leh ta. Hei hi CM Trophy atana inbuat saihna chauh a ni tih hria ila, Branch hminga theihtawp chhuah zel turin Lammi zawng zawngte’n rilru i siam ang u. Section chauhah hian kan thahnemngaihna hi tawp mai lovin, kal zel tur kan ni tih hriat a tha khawp mai.
Zaipawl lamin zan hunawl nei hman lo lekin hla an lo zir ve mek bawk a. An inpekna a hlu khawp mai. Tin, sum leh pai leh ei leh ina tanpui thintute hnathawh hi fak loh chi rual a ni lo.
Kan zavaia tanrualna hi malsawmna kan dawnna tur kawng a ni tih hre thar leh ila, inphatsana ral khat atanga insawisel mai lovin i infinchhuah zel ang u.