Kan sawi zingin kan ziak zing ta hle mai, veng tam tak neih loh Park nuam tak mai kan nei a; mahse, hlim taka lenho nana hmang lova, ruihhlo tihna hmuna kan hmang hi a pawi khawp mai. Zan reiah uang taka zai thawm hi a ngaihnawm hran lova, chuvang chuan a ti thinte chuan sim hmak a tha khawp mai. Naupang atanga upa ber thlenga nuam leh hlim taka kan lenna tlakah siam hram i tum ang u.
Pawl hruaitute leh member tan pawh chauh hun leh intlahdah hun a thleng a, tan kan lak mar hram angai khawp mai, a tawp kan khar tep a ni. Eng hnaah pawh a tawp tawp that hi a pawimawh ber a, chuvang chuan patling taka hnu khar i tum theuh ang khai.
Pathara’n YMA AW buaipui dan a han chhut chhuah takah chuan kan lo hah khawp mai a nih hi, mah se, kan hlim tho mai. Thuziak mi tan chuan kan inhawng reng a ni.