Hemi chungchangah hian kal dan hi a rualin a lai ngei ngei tur a ni a, mimal hamthatna tur zawnga hmalakna chi a niin a lang lo. Tanpui mamawh chu kan tanpui mai tur a ni. Chutih rual erawh chuan kan hotute rorel dan hi kan zawm leh kan pawm mai tur a ni.
Kan veng leh kan ramah ruihhlo a hluarin a nasa hle mai. Ruihhlo zuar kan vengah kan veng mi anni emaw ni lo emaw an chungah action kan lak dan hi a rualkhai thin loh em avangin, tunah hi chuan hruaitu thenkhat tan hi chuan hmalak lehzel dan tur hi a harsa tawh riau a ni. In leh lo nei chungah chuan hmalak kan harsat viau laiin mi inluah chu awlsam takin kan hnawtchhuak rum rum leh si a, kan kal lehzel dan turah kan fimkhur hle a ngai a ni.
Chutih rual erawh chuan kan hotute pawh hi mihring ve mai annih avangin an rorel leh thutlukna an siam danah fak an hlawh reng lo mai thei, an rel dan pawh tha kan ti lo mai thei, an thiam leh tih ang tawkah memberte chuan thlawp tha ila, a rel tute pawhin ngaihtuahna fing leh uluk takin rel thin se a tha hle ang.