Hetianga veng hma- sawnna tura hnathawh tur a lo awm hian a thawktute (he khawtlang mi hi kan nih ngai chuan) hian veng hmangaihna tak tak rilru kan put a pawimawh khawp mai. Hlawh hmuh nan leh a mawi chauh zawng lova, veng tana ro tling ngei tura kan thawh a \ha khawp mai. Chuti ni lova, a hmu apiang maiina “Tu hna nge maw ni le?” tia an sawi zui tur leh an rel zui tura kan thawh mai chuan kan veng tan hian a pawi dawn si a.
Inkalpawhna (step) leh tuiluankawr \ha hi khawtlang tan hian a pawi mawh em em mai si a. Chuvangin, rintlak, hmantlak leh ro tling ngei ni se, a lawm ber tur chu a thawktute zawk hi an ni leh fo.
Sum leh pai hlawkna hmuh tam tum lutuk avanga khawtlang demkai khawpa thawhchhiat mai hi kan tih loh tawp tur a ni. Tha taka kan thawh zawha kan hlawh tur awm tawk awm thei turin mi thiamte’n ruahmanna an siam a ni tih hriaiin, kan hlawh tur lam aiin kan hna \hat leh \hat loh hi i ngaihtuah hmasa \hin ang u. “Sum tam tak aiin hming\hat hi thlan zawk tur a ni” tih ziak a ni si a. Biak In pawn lam, kan hnathawhna hmunahte hian ringtu kan nihna hi tilang fo ang u.
Pa Tluanga’n kan ngenna a rawn tihlawhtling a, thuziak \ha tak mai kan nei thei a, kan va han lawm tehlul em!