Kum engemawzat kal ta a\ang khan Mizo Hnam Lam hi kan veng tihming\hatu leh Mizoram puma kan veng hming pho langtu a lo ni tawh \hin a, Chanmari West veng mi, Thalai tawh phawt chu thiam tura ngaih kan ni ve chawk. Hei hi a dikna chen pawh a awm thei awm e.
Mahse tun hnai intihsiak- naah kan thiam thil kan theihnghilh ta deuh nge, lawmman ropui tak kan dawng pha ta meuh lo. Hei hi tu mawh nge ni ta ang?
A hmasa berah chuan YMA member, he intihsiaknaa telte hi kan mawhpuh lo thei lo vang. An thiam tawk lo a ni ti tawp teh ang. Kan lo haw deuh a ni paw’n pawi lo mai rawh se.
Mawhphurtu dang lehte chu; he hnam lama tel ve ngai miah lo, tui ve miah lo, buaipui miah loYMA member-te hi an ni ve tlat. Kan vengina kan lo tuipui leh hmingthanpui ve ber mai, Mizo Hnam Lam ngaisang lo mai ni lova, hnualsuat hi kan veng \halai zingah hian an \hahnem tlat. Hei hian hmasawn lohna a hring chhuak bawk.
A buaipuitute inpekna ngaihtuah pha miah lova lo sawisel ve rengtute hian kan sim a \ul khawp mai. Kan tuipui ve chiah lo a nih pawn “Dodal” kher a \ul lo. Veng tana pen chhuak \hinte inpekna hi ngaihsan nachang kan hriat a ngai. Chutih hunah chuan kan veng hian hma a sawn leh zual ngei ang.