Tute mah hian tih dik kim theih chu a ni lo tawp ang, mahse kan tih dik loh tam zawk hi chu phawsawlh vang leh intihchangkan kan tum vang a ni tlat. Mizo tawng hnualsuatin, hnam dang tawng kan ngaisang a, chu chuan kan nun pawh nasa takin min kuai her bawk.
Mizo hla aia Korean hla sak tur hre tam zawk kan thalai zingah hian an awm nual tawh ang? Korean ngaihsanna chuan vun ngo leh mam tak neih ve chak tumnaah kan tleirawlte a hruai lut a, ei loh tur an ei a, dang var lepin kan mu hlum leh si. He chhiatna hi kan hnam kan ngaihnep vang leh hnam dang kan ngaihsan vang a ni thei tlat.
Kan nu leh pa tam zawkin Lalruanga dawi thiamna aiin Superman a thiltihtheihna kan ngaihsan tir zawk a, chu chuan naupang rilruah Mizo hnam hmuhsitna a thlen tlat.
Hawh u, kan hnam nunphung leh tawngte hi a ral mai loh nan theih tawp i chhuah tlang teh ang u.