Chutihlai erawh chuan kan hmalakna tur leh tihtur hi chu a awm reng thin tho si. Chawlh mai a thiang lo va, thut mai lah a theih hek lo, hetiang hun a lo thlen hian hruaitu tha kan mamawhna a zual a, hruai tur tha member kan nih a ngai bawk.
Kumin chu kan veng kan vanneih rih a, chhiatna nasa kan tawk lo va, harsatna rapthlak tak kan tawk lo hlauh a, a lawmawm hle a ni. Thihna pawh kan vanneih avangin kan kum dang aiin kan tawng tlem a ni, heng zawng zawng avang hian inthlahdah lo va, kan inpek thar deuh deuh angai a, eng buaina emaw harsatna emaw kan tawk palh a nih pawhin tumah inthlahdah lo va kan chet tlan zel a tul awm e.
Ran khuahkhirh hi Local Council mawhphurhna a ni a, amaherawhchu, an hna an tlin tawk loh avangin YMA in hma kan la a, a zia deuh hawk chuan a hriat. Kan inthlahdah lo bawk angai a, mi tupawhin kan man a, then thianghlim hi kan mawhphurhna a ni tih kan hriat a, kan beih talh talh a tul awm e.
Kan vengin MPL kan khel tling a, thahnemngaih a ngai a, Pathara zarah MPL chungchang chhiar tur kan nei a, a lawmawm hle mai.