Kan chhungkaw khaw-sakna mil tawk thawmhnaw kan inbel thin a \ha khawp mai. Kan thawhchhuah phu lohpuia \ha leh man to kan inbel hian mawipui lam aiin zahpuiawm lamah a kal chawk. Kan thawhchhuah mila kan inchei hian kan mawi ber fo.
Thawmhnaw buarchuar lutuk inbel hi hmuh a hahthlak, mi mit kan tikham duh tih hriat a tha. Tin, thawmhnaw lepler leh dangdai uchuak reng reng hian a daih rei ngai lo, mawi tih pawh a hlawh ber lo. Awmhmuna kan thuam-hnaw inbel chu eng pawh nise, puipunna hmuna kan awm hian uluk a ngai leh zual awm e.
Ei leh in buaipuitua kan \an hian inthlahdah mai a awl khawp mai. “Fatu kut a tenawm ngai loh” tih vang ringawta \awp taka awm hi a changkang tawh lo tlat, a mawi tawk tala faia inthuam tum hram tur. Chuti lo chu, kan ei leh in siam kha mi tan ei a phurawm loh thei ve tlat. Hnathawhna hmunah fai vur tur tihna a ni lo, a mawi tawk leh kan hnathawh mil tawka inthuam kha a \ha a ni mai. Kan thawmhnaw inbel ang ang chu fai leh zahawm tak nise a \ha ber.