Mizo nun timawitu leh khawsakhona nun tinuamtu ber \hin pakhat chu aia upa zah hi a ni awm e. “Aia upate zah thiamin, an thute awihin zawm fo rawh” an lo ti \hin a ni ngai a, tunlaiah chuan inzirtirna a tlem ta lutuk nge, aia upa zahna hi a tlahniam tawh khawp mai.
Khawvel changkang zelah, kum naupang zawkte’n thiamna sang zawk an neih avangin aia upa zahna chang an hre lo ta fo. Kan eizawnna leh kan nitin hnathawhna hmun a zirin a zawng aza chuan a zawm theih kher lo vang. Aia upa zawk pawh nise intirh dawt dawt a \ul hun chu a awm ve fo. Chutih hunah pawh chuan upa zawk an nihna hre chunga \awngkam mawi tak a kan biak a mawi zawk zel ang.
Tunhma deuh zawk chuan Zirna Inah Mizo nunmawi zirtirna \ha tak dawn tur a awm thin a, tunah erawh chuan thiamna kan um nasat tak em avangin he lam hawi zirtirna hi a tlem tawh hle. Chuvangin chhungkuaa kan inzirtirna hi a pawimawh khawp mai. Chhungkuaa kan inzirtir loh chuan khawi hmunah mah heng zirtirna hi kan fate hian an dawng dawn lo tih hriaiin nu leh pate’n \an kan lak a ngai khawp mai.