Hruaitute mawhphurhna hi a sang hle mai. Chuvang chuan memberte pawh hian phut chin leh hriatthiamna nen kan thlir angai a ni. An chhungkua leh khawtlang nun nena mawhphurhna lian tak an lak kawp avangin, pawlin kan programme zawng zawnga tel tura kan beisei a dik bik lovang. Taima leh fuihna nen kan zui tlan hian kan telna pawl pawhin hma a sawn phah ngei dawn a ni.
Hruaitute hian kan duh vang reng a ni emaw ni lo emaw memberten min thlan tawh chuan chak taka pawl hruai kan tum tur a ni. Hetih lai hian kan chhungkaw nun nena inzawm tlat pawl a nih avangin kan kaihkawp thiam a ngai a, hriatlawk loh prigramme tih loh phei chuan duan dan kan thiam a ngai a ni. Pawl hruaitu kan nih ang ngei hian kan chhungkaw nun pawh hian belhchet dawl leh mite infuihna kan nih theih nan a tan kan lak a pawimawh khawp ang.