August 26th, 2012

Kan veng chhungah ran khuahkhirh lo va chhuak mai mai a tam hle mai a, hei hi veng changkang lo zia a ni. Ran an chhuah hian thenawmte in velah an e a, kawngpui leh park velahte an e thin bawk a, thil tenawm tak a nih avangin hei hian ran khuah-khirh tul zia a ti lang a ni. Thawm bengchheng tak an chhuah thin avang te, mi seh palh thei a nih avangte hian veng chhunga ran khuahkhirh hi tihmakmawh a ni.
Veng chhungah damdawi dawr nei kan awm nual a, kan mamawh leh tul tak an ni. Chutih rual erawh chuan damdawi atan ni lem lo, ruih atan hmang an awm thin tih hriat a ni a, chuvangin kan veng chhunga damdawi zuarte fimkhur a, ruih nana hman tum chu pek lo hram tur a ni.
Park nei veng tlemte zingah kan tel a, kan tel a ni satliah mai lo va, a nei tha leh   nei nuam ber kan ni. Mahse, kan parka chawlhna chu tute emawin an ti chhia a ni mai thei a, pawi khawp mai. Ti chhetu ni lo va, siamthatu nih kan tum theuh a tha hle mai. Tin, a lengte tan nuam lo khawpin ruihhlo ti thinten ruih nan hman an ching a, hei hi a pawi hle. Naupangte hmuh lai ruih hian zirtir tha lo tak a chhuah thei a ni. Hlim taka veng chhung mite kan len dial dialna tur a nih avangin a chhe zawng chuan hmang lo hram ang u.