CYMA in a buatsaih tur Hnam lam intihsiakna hma- chhawn turin kan inbuatsaih tan chho leh ta mek a, he hun atan hian member-te thahnemngai taka kan hun leh tha kan pek a pawimawh hle dawn a ni. Kum kalta lamah chuan hnam lamah bik hian ‘lam thiam veng’ tih kan lo ni fo tawh a, amaherawh chu khawvel thang chho zelah Mizo Hnam lam hian ngaihhlut a hlawhin veng dangte pawhin nasa takin tan an la chho ve mek zel bawk a ni tih hriain member-te pawhin he kan Mizo hnam lam hi hlutin tan i la thar leh sauh sauh ang u.
Tunlaiin YMA chuan Ruih hlo leh Foreigner chung- changah nasa takin hma a la mek a, a bikin ruihhlo pawhin kiam lam a pan zel a ni tih a hriat tawh hle a. A la kiam zel bawk ang tih hi ring ila. Keini veng pawh hian tun aia nasa a hetiang lamah hian tan kan lak a ngai hle a ni. A bik takin In luah tur neite hetiang kawngah hian kan pawimawhin kan in luahtu tur kan thlan danah ah kan chian a ngai hle a ni.