Zaipawl lam pawhin ngawrh takin hla an zir zel a, an rimin an hah tlauh tlauh hle mai a, an inbuatsaihna kawng veng mipuiten kan theih ang tawk tawka kan puih a ngaih hle ang. zaipawla tel tur hian hun leh tha tam tak sen a ngai a, intihsiak an hmabak a, General Conference-a zai an ngai bawk a, chumai a la ni lo, silver jubiee kan thlen thlengin mawhphurhna an la nei cheu bawk, heng zawng zawng avang hian sum leh pai mai bakah tawngtainaah pawh kan hriatreng a tha hle ang.
Hetianga kan veng kan buai laih laih lai hian mitthi kan nei a, hei mawlh hi kan mawhphurhna lian a ni. Memberte pawhin hetianga kan buaitlan em avang hian inpek thar i tum ang u. Veng lian kan nih avangin kan hmalakna hi a tam lo thei lo va, chuvang chuan kan buai deuh rih tum hi chuan kan theihna sang ber hman i tum hram hram ang u. Ram leh hnam humhalh bawkin tun tum chu i inawi leh phawt ang .