Pawl sawm (matric) han pass chiah hian ngaihtuahna a dang thut duh khawp mai. Ropui ve ta riaua inngaihna te, thiam sang ta luaa inngaihna te neih mai a awl. A ropui lutuk, mahse zirna kailawn hmasa chauh a ni tih pass tharte’n kan hriat a \ha.
Tin, matric pass zawha kan zir chhunzawm tur leh zirna hmun tur thlan thiam hian dam chhunga kan nihna tur thui takin a hril. Kan tui zawng ni miah lo, chhungte leh \hiante’n a \ha alawm an tih vang maia zir ve ngawt hian beidawnna ruamah mi a hnuk lut fo.
Nu leh pate pawhin kan fate kawng tur kan kawhhmuh thiam a \ul. Mi hlawhtlinna chauh kan awh avanga kan fate kan nawr luih chiam hian hlawhchhamna zawkah a hruai lut thei tih hria a, kan fate tuipui zawng leh an rilru sukthlek kan hriat a ngai khawp mai.
Zirnaah inelna a sang tual tual a, kan kawng zawh tur uluk taka thlan a \ul hle mai. Mi thiam zawkte leh lo zir hmasa zawkte pawh hetiang hunah hian rawn nachang hriat a fuh khawp ang.
Pass thar zawng zawngte kan khawtlang tana in thiamnate hmang \angkai thei tur khawpa hlawhtling turin duhsakna sang ber kan hlan a che u.