Kan kawmchhak lung rem chim avanga kan In chhia vel senghawi ngai leh tanpui kan ngaihna zawng zawnga min tanpuitu Chanmari West leh Chanmari veng mipuite, YMA leh Local Council hotute chungah leh Silpoulin tha tak mai min petu Pu Rothuama chungah lawmthu kan sawi tak meuh meuh a ni.
In khawngaihna dawngtu
K. Darhmingthangate chhungkua
Thlanmual Sub-Committee
@ Thlan siamten thlanmual bungrua te fai tak leh tha taka kalsan hram nise.
@ Chhiattawk an awmin thlan lai an tlem thin hle a. Tlangvalten thlanlaih hi mahni tihtur a ni tih hriaa thlanmual lam pan turin an inchah.
ZOFA NEWS@ Doordarshan Kendra (Gwuahati) a Hnam Lam recording nei turin an inbuatsaih mek a, harsatna dang a awm loh chuan Ni 27.10.2012 (Inrinni) hian member 25 velin Aizawl an chhuahsan ang.
@ Ni 6-7 Oct 2012 khan Rallu Lam Documentary Film shooting hmasa ber chu PKT Farm, Selingah an nei. Remchan dan ang zelin shooting hi an neih chhunzawm ang.
Cheng vbc 2900 hnek chhuak thei Holyfield mangang
T-a
Dam chhunga cheng vaibelchhe khat thawh chhuak lo tur eng zata tam awm ang i maw ? vaibelchhia chu sawi loh maktaduai pawh tam tak a ni. Vawi nga world boxing heavyweight champion ni tawh Evander Holyfield erawh chuan cheng vaibelchhe 2900 chuang a hnek chhuak a, mahse, tunah chuan leiba cheng vbc 80 chuang neiin rulhna tur a nei si lo va, harsatna a tawk.
1997 khan Holyfield hian Las Vegas-ah boxing khawvela dai tawh lo tur inhnek lian leh ropui a hmachhawn a, a hma kum lawka round 11-naa a knockout tawh Mike Tyson nen an inbei. Holyfield leh Tyson-te inhnek vawi hnihna atang hian dollar maktaduai 100 hmuh a ni a, 2007 thlengin boxing chanchina inhnek tum khatah sum ruh tamna ber niin, Holyfield hian dollar maktaduai 35 (cheng vaibelchhe 180 vel) a hlawh a, Tyson-an dollar mtd 30 (cheng vbc 150 chuang) a la lut ve thung a, Tyson hian Holyfield-a beng a sehthlaksak a nih kha !!
Holyfield-a vanglai a ni a, Tyson nen an inbeih vawi hnihnaah hian pay-per-view unit mtd 1.99 hralh chhuah niin, hetiang zata tam hi vawi khat inhnekah hralh a la ni ngai lo va, boxing chanchin a sawi danglam hle. Mahse, 2007 khan welterweight huangah Oscar De La Hoya leh Floyd Mayweather Jr chuan khumin pay-per-view mtd 2.7 vel an hralh a, De La Hoya phei hi chuan dollar mtd 50 chuang hlawhin vawi khat inbeiha sum rut tam ber a ni.
A vanglaiin Holyfield hian mipui a hip em em a, Tyson bakah Lennox Lewis leh Riddick Bowe-te nena an inhnek phei chu heavyweight chanchina inhnek ropui ber ber a ni hlawm. Sum tam tak a hnek chhuak a, nuamsa taka dam chhung hun hmang thei tur khawpin a rut mawlh mawlh mai a ni.
Professional a luhchilh atangin kum 28 hun a hmang tawh a, tun thlengin hruihruala luh a la inpeih reng a, fighter zinga mipui hip bera an chhal Tyson aiin sum a hnek chhuak tam. Tyson hian Holyfield angin inhnek a hmachhawn tam lo va, hruihrualah hun a hmang rei lo bawk a, mahse, cheng vbc 1500 chuang fe erawh a hnek chhuak. Mahse, 2003 khan a tlachhia tih khawvel hriatah puanzar a ni.
Holyfield hian tunkar hian kum 50 a tling dawn a, tum dang angin a piancham hlim takin a lawm thei dawn lo. Leibain a delh rih lutuk tawh avangin Atlanta khawpui daifema a chenna in ropui tak mai, pindan (room) ringawt pawh 109, inbualna hmun nuam leh zau tak (bathroom mansion) 17 chhawm tel tihrala a leiba tihziaawm a tum a, lo theih loh avangin he in ropui tak hi cheng vbc 40 velin a zuar a, November 30 khian Los Angeles-ah a thil hlu dangte nen lilam a ni dawn.
Mihring tana thil harsa tak, a nun dan phung a tihhniam a ngai dawn. WBC, WBA leh IBF champion hlui hian thil hlu a neih tam tak pawh a deh ral a ngai a, rangkachak leh lunghlu sana man to tak tak leh lirthei man to a neite a hum zui thei hmel lo va, heng zingah hian a car roh em em, a pian kum 1962-a siam 1962 red Chevrolet Corvette pawh a hralh a tul ngei dawn niin an sawi.
Holyfield hian hmeichhe hrang pangaah fa 11 a nei a, heng a fate chawmna tur hi a tumsak vek a ngai. Dollar maktaduai 10 tel a hnek chhuah thin laiin mi hang dangte ang thovin sum dah that aiin inchhek arbawm lamah a tlan nasa a, nungchang chhia leh ruihhlo avanga buai a ni lo na a, inrelbawlna lamah erawh pa fing tak a ni bik lo va, a elpui thin Tyson ang em chuan tlachhiain mualpho lo mah se a dinhmun a ropui lua bik tawh lo.
Fa a ngah a, pakhat enkawl nan thla khatah dollar 3,000 (cheng nuai 1.5 chuang) a sen ziah a ngai a, a talbuaina chhan ber a ni tih Holyfield chuan sawiin : "Tunah hi chuan a hautak tak zet a, ka fa neih tawhte chawmna tur pek chhuah hi a harsa em em a ni," a ti.
Badminton Club
@ Kanan Open Tournament khel turin an inbuatsaih mek.
@ Naupang tan Coaching kalpui mek a ni a, a tel duh tan hruaitute bulah ngaihven tur a ni e.
YMA CONFERENCE CHUNGCHANG
Ni 23-25 October, 2012 chhung khian YMA General Conference chu Kawrtethawveng khua-ah hman tur a ni. Conference kal tumte (Hruaitu leh member) tan vawiin hi inpek hun tawp a ni a, kal tum chuan Pu R.L.Thanhnuna, Branch Secretary hnenah in report vek tur a ni.