Ni 17.11.2012 zing karah khan Hunthar nena kan inrina Chhawnzinga tuikhuah bulah welcome signboard tar that a ni.
Helaiah hian tunhma khan sign board hi tar a lo ni tawh a, a chhiat avangin Chanmari West Branch YMA chuan tar that tulin a hria a, tichuan Local Councilah a thlen a ni. Local Council pawhin tar that ngei tulin a hria a, hma la turin Branch YMA a ngen a, Branch YMA chuan hma a la nghal a, Pu Laltlanchhuaha ‘T’ chuan sign board tur hi pein, chumi hmang chuan nimin khan Local Council leh YMA hruaitute hian an tar tha ta a ni
CENTRAL YMA
Ni 14.11.2012 (Nilaini) khan Central YMA Hall Tuikhuahtlang-ah Central Coordination Committee (CCC) meeting a ni a, member 122 an kal.
i) ‘Mizo mipuite inpumkhatna tichhe thei zawng leh Mizoram thendarh zawnga chibing hmalakna reng reng tihtawp a nih theih nan YMA-in hma la rawh se’ tih chu hengah hian hmalak tum a ni.
1. Political Party (Hnambil Party)
2. Kohhran (Chibing Kohhran)
3. Zirlai Pawlah
4. Thuneihna sang zawk pek zel tawh lohna turin.
ii) ‘Rampum huap faina beihpui thlak turin Central YMA-in hma la rawh se’ tih chu a tul angin CEC bawhzui tura tih a ni.
iii) ‘Sorkar atanga Development Work Veng/Khua atana lo kal thin hi tha leh rotling zawka thawh a nih theih nan YMA-in hma la rawh se’ tih chu CEC-in lo bawhzui se tih a ni.
iv) ‘Mizorama piang ni lo, Foreigner-te Birth Certificate pek an nih loh nan hmalak ni rawh se’ tih chu CEC bawhzui atan dah a ni.
v) ‘Human Trafficking dona kawnga kan chak zawk theih nan YMA-in hma la rawh se’ tih chu CEC bawhzui atan dah a ni.
vi) ‘Mizoram chhunga quarry awmte hi mihring tan a hlauhawm loh nan YMA-in a tul angin hma la rawh se’ tih chu CEC-in bawhzui se tih a ni.
vii) ‘Aizawl khawpui laili, Assam Rifles chhuahsan tur ram hi mimal hnena pe lo tur leh pek tawhsa pawh cancel tur leh tangkai taka hman a nih theih nana humhalh turin sorkar ngen ni rawh se’ tih chu CEC bawhzui tura tih a ni.
viii) ‘Branch YMA tinin mahni area-a motor kawngpui kama uar zawka thingphun nise. Tin, kawngpui kam mimalin an neih thin hi sorkar dan dinglai anga reserved a nih zel theih nan sorkar-ah thlen ni rawh se’ tih chu CEC bawhzui tur tih a ni.
iv) ‘Tribal Certificate pek chhuah chungchangah YMA te hriatpuina a tel theih nan sorkar-ah thlen ni rawh se’ tih chu CEC-in lo bawhzui se tih a ni.
Kumpuan chungchang :
Kumpuan (2012-2013) ‘Ram leh Hnam Humhalh’ Kaihhruaina chu CEC-in duang tura tih a ni.
ZOFA NEWS
@ Tunkar hun remchangah Thalfavang Kut ami tur Khuallam zir tur a ni a, member-te lo inring turin an hriattir.
@Ni 28.11.2012 (Nilaini), Ni 30.11.2012 (Zirtawpni) leh Ni 1.12.2012 (inrinni) te hian shooting neih an tum.
VOLLEYBALL MANAGING BOARD
@ Ni 13.11.2012 (Tuesday) khan Aizawl North-III MLA Volleyball Running Trophy-ah chhuah niin Pahnihna an ni a.
@ Tournament chhuah theihna tura tanpuina petu Chanmari West Congress Unit-II, Thalaiten cheng 3000/- leh Chanmari West Congress Unit-I ten cheng 500/- an pe chu an lawm hle.
@ Ni 30.11.2012 atangin Ist Division Super League Tuikual Indoor Stadium-ah leh Hawla Indoor Stadium, Pitarte tlanga neih turah chhuah tum a ni a. Registered Player-te thahnemngai taka practice chhunzawm zel turin an inchah.
Khawtlang nun siamthat nan hma an la
Taitesena Section chuan kumin chhunga an section project pakhat Khawtlang nun siamthat nan hma an la. Ni 15.11.2012 (Ningani) zan khan Pu RK Rozidinga, Leader kaihhruainain, Pu C.Sangkhuma In chungah Taitesena Section huam chhung a Nu leh Pate pualin Khawtlang nun siamthat chungchanga inkawmho a ni. He hunah hian mi 70 chuang zet an kal khawm.
He huna kal khawmte atang hian thusawi ngaihthlak a ni a, Branch YMA President Pu T.Ngurkhuma, Pu B.Savunga, Pu R.Thanga, Pu C. Liansanga, Pu L. Ringzuala, Pu PC Lalnunthara leh Pu T. Vanlalsiama te hnen atangin thusawi ngaihthlak a nih hnu in Pu C.Lalzarliana, Branch Treasurer in “Khawtlang nun siamthat” tih hmangin Paper a present a, Nu leh Pa leh Thalaiten khawtlang nun siamthat kawnga an mawhphurna hrang hrang sawi ho nghal a ni.
He intawhkhawm hi a kalte chuan hlawk an tiin, zawngchhang thlak an ti a, an section leh veng pum tan tangkai tak a nih an beisei hle.
Lawmthu sawina
Pu Lalhmunsanga (Mahmuna) Lengteng Sofa Works chuan a rawng kahna khawl ni hnih chhung ngawt mai a thlawna Section thutthleng rawng kah nan a hman tir avangin Neuva Section chuan a chungah lawm thu an sawi a ni.