May 1 atangin Zarkawt YMA Recreation Centre-ah basketball khelh tan a ni dawn a, May 16 atangin football tan a ni ang. Mizorama tournament ngaihven hlawh football-ah hian kan branch-in quarterfinal aia thui kan la kal pel lo va, kumin hian engti angin nge branch committee-in ruahmanna a siam dawn hriat ni rih lo mah se, hnuhma thar hnutchhiaha dinhmun tha tak luah thei tura hma a lak ngei a beiseiawm.
Tun season-ah Chanmari West Sporting Club football team an che tha viau a, second division team pariat zinga point hmu sang ber ni mekin, April 23-a Aizawla khelh tan tur Mizorama club thate inelna huap zo MFA Cup khel thei zingah telin, Aizawl District Football Association-in May-a season kharna tournament a buatsaih turah an dinhmun an humhim thei a nih chuan season tharah first division-ah an inhlangkai ang.
Club football-ah kan vengin boruak tha tak a neih lai a nih avangin, vengchhung football chik mite chuan YMA football-ah pawh dinhmun tha luah thei turah an inngai. Tun inrinnia khelh zawh tak veng leh khaw hrang hrang inelna Red Ribbon football-ah erawh sum leh therhlo vangin player thenkhatten veng tan aiin veng dang tana khelh an duh zawk a, a sang 16 zingah Chanmari West a inhlangkai pha ta lo.
YMA football-ah engtin nge player-ten rilru an put leh dawn tih hriat a ni lo va, sum leh therhlo hmanga inthlemna erawh YMA football-ah awm tawh lo tura ngaih a ni.
Thlanmual Sub-Committee
@ Dt.5.4.2012 a MHIP in hnatlang a Kuang tuamna tur an thui sak avangin an lawm hle.
NGENNA
Kan hma lawk, Ni 23.3. 2012 atang hian M.F.A Cup Aizawl-ah khelh tan a ni dawn a. He Cup a tel tur hian Mizoram chhunga 1st Div. Club leh District aiawh Club tha zual thlan a ni a, hetah hian Aizawl District atangin Chanmari West Sporting Club pawh thlan kan ni a, inbuatsaihna kalpui mek a ni. Tournament hmachhawn tur leh inbuatsaihna kal zel tur hian sum leh pai lamah harsatna kan nei a. Hun kal tawha veng mipuite’n a min tanpui tawhna hre reng chung leh inthlahrung tak chungin, Local Council-te hriatpuinain chhungkaw tinah VEHBUR khawn leh mai kan tum a. Veng mipuite tlem lua awm lova kan dilna te min lo tihhlawhtlinsak leh hram turin kan inngen a ni. In mi tanpui tawhnaah thinlung takin lawmthu kan sawi e.
Zonunsanga
Chairman, Football Sub-Commitee
Chanmari West Sporting Club
Volleyball NEWS
@ D-3 Inter Village Volleyball tournament, 10.4.2012 (Thawhlehni) atanga tan turah Chanmari West team tan Local Council hruaituten player te tan pheikhawk an leisak a, an chungah Volleyball team te an lawm hle.
@ Chanmari West Local Council Team Player te :
Lalduhawma Hnamte ‘V’Section
PC Lalhriatpuia ‘V’ Section
Lalbiaksiama ‘CH’ Section
Zarzoliana ‘K’ Section
Ramtharnghaka ‘K’ Section
Vanlalpeka ‘K’ Section
Vanlalhluta ‘N’ Section
RD Ramdinmawia ‘N’ Section
Lalremruata ‘N’ Section
EVL Hruaitluanga ‘N’ Section
Coach : C Lalthanzuala
Asst Coach : Lalchhuanliana
FOOTBALL NEWS
@MFA Cup khel turin inbuatsaih tan a ni a, player-te thahnemngai taka practise thin turin an inchah
@Vengchhungah Vehbur khawn tur a ni a, hruaitute theihtawp chhuah turin an inchah.
@Local Council-in vengchhunga vehbur khawn leh trainning-na bungrua hawh a phalsak chu an lawm hle.
ZCC NEWS
@Rallu Lam Documentary Film siam tura inbuatsaih tan mek a ni a, a tul huna thawkchhuak thei mai turin member-te an chah.
@Secretary Pu Hlutea, Good Friday hmanga Kawnpui lama zin pawh dam takin a lo haw leh ta.
@Hun remchangah YMA Zawlbuk sak tharah Lam zir tum a ni a, member-te leh venchhung thalai Hnam lam zir duh apiangte he huna zir theuh turin an sawm.
@An hruaitu Nl Ellen Lalrintluangi ke tliak avanga hun rei tak pawn chhuak thei tawh lo pawhin thatlam a pan zel a, an lawm hle. Bawlhhlawh
Thil ho ang reng deuh niawm a lang, buaipui ngai zet mai si chu bawlhhlawh hi a ni awm e. Pathian danglamna leh ropuina pawh hi a thianghlimna leh bawlhhlawh kai lo anihna hi a ni. Eden atanga tun thleng hian kan la buaipui a, kan buaipui zel dawn bawk niin alang.
Keini chuan kawrah emaw hmun awl remchang apiangah kan paih a, chu dan chu thlak kan tum a, thlak thut chu a harsa khawp mai. Sawrkar chuan PPP mode hmangin bawlhhlawh paih dan tur a ruahman a. A dan ang chiah hian kan la kal thei lova, he danah hi chuan a paihna senso sawma pakua hi sawrkar tum a ni a, pakhat hi mipui lam tum ve tur a ni.
Tunah hian kan vengah chuan mipuiin pawisa kan thawh ve ngai lova, bawlhlawh paih thinte hian pawisa thawh hi kan tih tur anih avangin, Local Council pawh hian kan thawh ve ngei theihna tur hian ruahmanna siam se a tha hle ang. Heihi mipui tan pawh a tha tur a ni a, neitu rilru kan put theih phahna tur a ni, tun aia zing zawk pawh hian a kal theih phah mai thei, kal loh an neih pawhin engti zia nge kan ti ngam tawh bawk ang.
Ngaihtuah mai mai teh
Kan kawngpui a tha ve tan dawn chauh a, Local Council hriattir hmasa lo leh veng mipui hriatthiamna la hmasa miah lovin tute emaw chuan an rawn lai khuar a, zan reiah an bengchheng em em a, tui pipe an laichhe nual bawk a, engtia hmalak chi nge maw ni zel dawn le, hetianga inpal zam mai mai hi. Nakinah hetiang hi awm leh ta se, kan thuneihna hman a va tha tawh awm em!!