@ Chanmari West Branch MHIP ten YMA Day lawmpui nana $ 1000/- Branch YMA an rawn pe chu Branch YMA-in lawmthu a sawi.
@ YMA Day khan Edenthar Branch te chuan an Branch Silver Jubilee ropui takin an lawm a, kan Branch atangin Vice President Pu K Darthantluanga, Treasurer Pu R Lalhmachhuana leh Fin Secretary Pu Lalrinliana ten an va hmanpui a, lawmpuina Citation Branch hmingin an hlan bawk .
@ YMA Day zing khan Section hrang hrangah Faina Hnatlang neih a ni a, YMA Park leh Zuangtuikhur chhakah te thing engemawzat phun a ni bawk.
@ Ni 25.6.2013 (Thawhleh) zan hian Branch Executive Meeting koh tum a ni.
@ August ni 13-15 chhunga Central YMA in Branch Zaipawl intihsiak a buatsaih turah Branch Zaipawlte inbuatsaih chhoh mek zel a nia, hla zir nana in phal taka hmantirtu leh thingpui leh a hmeh siamsak \hintu Pi Lalrintluangi (RTS) CH-Sect. leh Pi Lalrinsangi CH-Sect. te chungah Branch YMA in lawmthu a sawi.
@ Chief Minister’s Running Trophy hnam lam intihsiak September ni 5 & 6 - a Sipai Lammuala neih tur atana hmalatu tur Organizing Committee din fel a ni.