@ Ni 9.6.2013 (Pathianni) zan dar 10:30 khan hruaitute Phun- chhawngah chawp chilh taka duty tura Central YMA-in min rawn ngen angin mi 16 zuk kal a ni. Veng hrang hrang atangin mi 70 chuang duty a ni. Hruaitute a tul hun apianga duty thei tura inring turin an inhriattir.
@ Ni 8.6.2013 (Inrinni) nileng khan Property Sub-Committee ten information mike siam hnatlang an nei a, Neuva Section leh Taitesena Section-ah te mike horn dah thar a ni. Section thenkhata line tha lo an siam tha nghal bawk. Pu HVL Zasanga N-Sect.in Cable hrui man tur $ 700 a rawn thawh chu Branch YMA-in lawmthu a sawi.
@ YMA Life Member ni duh Central YMA-a kan dilpui heng mite hi Central YMA chuan a pawm Pu Laltlanliana S/o L.Nghakliana T-Sect. leh Pu.Ngurzamlova S/o Lalchung-nunga T-Sect.
Ni 15.6.2013 (Inrinni) YMA Day zingah Section hrang hrangah Faina hnatlang neih tur a ni, a remchan dan angin YMA Park-ah thing phun a ni ang a,chhun lamah YMA chhang te’n Zawlbukah hun hman tur a ni a, Branch Executive Memberte tawiawm theuh tura ngen an ni.
Karleh hun remchangah Chief Minister’ Running Trophy hnam lam intihsiak Central YMA-in a buatsaih tur atan Branch OB leh ZOFA Cultural Club OB te Meeting tum a ni.