@ Carol kan hman a Sound System min hmantirtu te, eitur min siam saktu te leh chanvo hrang hrang hmangtute chungah lawmthu sawi a ni.
@ Nimin khan Branch sum, Section sum leh YMA Aw sumte audit a ni a, auditor-te chungah lawmthu kan sawi a ni.
@ Ni 20.12.2012 atang khan Section tinah YMA te duty a ni a, harsatna neite chuan hruaitute hnenah hriattir vat turin kan inngen e.
@ Pu H. Lalhruaia F/o Lalmuanpuia ‘K’ Section chuan tanpui ngaite tanpui nan YMA Relief Fund-ah Rs. 10000/- an rawn pe a, an chungah Branch Committee chuan lawmthu an sawi a ni.
@ Ni 17.12.2012 khan YMA Zawlbukah Disaster Management Training a ni a, he huna member kal zawng zawngte chungah Branch YMA chuan lawmthu a sawi a ni.
@ Ni 19.12.2012 zan khan kan veng hmeichhe tleirawl pahnih chu Chanmari YMA ten an zuin an man a, hetianga man ngai hian veng chhung mite awm tawh lo turin an ngen.
@ Branch Executive member Pu C. Zonunsanga nupui Pi Lalremdiki chu Civil Hospitalah a awm a, dam taka a lo chhuah leh thuai an beisei.