@ Vanapa Section leh Neuva Section huam chhunga mike tha lo chu siamtha a hnatlan a ni a, mike tha lo a awm leh a nih chuan hruaitute hnenah hriattir vat tur a ni e.
@ Hun remchangah Pu TC. Lalhmangaiha huanah inti hlim pah a feh tum a ni.
Mi Mawl
Mi pangngai ten an tih thin khawhar in kal te, thlanlaih te, mitthi ina thingpui lum leh sem angte hi tihna chang hre lo chu, thiamna lamah mi sang tak niin hausa viau bawk mah se mi mawl a ni.
T. Ngurkhuma
President, CWBYMA
ZOFA NEWS
@ 1 Ni 26.8.2012 (Pathianni) tlai dar 3:00 hian Pu VL Thakima (V-sect) inah Executive Committee pawimawh tak koh a ni.
@ Rallu Lam Documentary Film siam turin hma lak mek a ni a, September thla chhunga chan tan hman tum a ni. Member-te a tul huna thawkchhuak thei mai tura lo inring turin an chah.
@ Art & Culture Dept atangin Dress chi hrang hrang man tlawm zawkin (subsidy) lei thar a ni.
WORLD SCOUT MOVEMENT DINTU LORD BADEN POWELL
-Scoutmaster Mangheta Ralte
Robert Stephenson Smyth Baden Powell tih hming puin, Kum 1857, Feb ni 22 khan unau pariat zinga a naupang ber ni turin Rev. Professor Herbert George Baden Powell leh Henrietta Grace Smyth-te nupa karah; 6 Standpole Street, Lacaster Gate, London-ah a lo piang a. Kum 3 mi lek a nih laiin a pa hian a boralsan hlauh mai a. Harsa takin, mi rethei leh harsate tanpuina (scholarship) te rinchhanin sikul a kal ve tawk tawk thin. Powell hi a naupanlai chuan infiam ngaina tak a ni a, thiam pawh a thiam viau. Thil thar zir chhuah zel hi a chak zawng a ni thin, lemziak pawh a thiam hle. "Kut khing lehlama milem ziak chungin, a kut lehlamin thu a ziak zat zat thei bawk"
A naupan chhung hian a hunawl tam ber chu ramhnuaiah, sava leh ramsate chezia thlirnan a hmang thin. Hriamhrei zei taka chelek te, thing tlemte hmanga ei rawngbawl dan te, hnim pik leh bawn tak kara chak taka kal dante a zir thin a. Hei hi Scout ze dik tak lo irhchhuahna bul chu a ni ta a ni.
Kum 1876-ah kum 19 mi lek niin a Graduate a, Army Selection Exam-ah mi 700 chuang zingah 2-na niin, Sipai Officer hna zawmin India ram Lucknow-ah 13th Hussar Regiment chu Sub-Liutenant niin a zawm a. Sipai a tan chhung hian a hnathawh that avangin Chawimawina leh Lawmman engemawzat a dawng a, kum 43 a nih chuan Major General naupang ber a ni ta hial a ni.
Kum 1907-a sipai hna a chawlhsan atang chuan Powell-a chuan an rama mipa naupangte chu chak leh hrisel tha taka an lo puitlin chhoh theihnana enkawl leh buatsaih chu a rilruah a awm lian hle mai a. Mipa naupang tan Camp a buatsaih ta a. 27th July-9th Aug 1907 chhungin Brown Sea Island Camp a nei ta a. Hei hi Scout Movement lo intanna chua ni ta a ni. He Camp zawh hian Powell chuan a lehkhabu siam "Scouting For Boys" chu magazine lamahte a chhuah tan ta a, Great Britain ram chhunga mipa naupangte ngaihhlut ber a ni ta hial a ni.
Lord baden Powell hian lehkhabu 34 lai a ziak a, khawvel ram hrang hrang hotute atangin Chawimawina chi hrang hrang 21 lai a dawng bawk. Kum 1941, Jan ni 8 khan kum 83 mi niin a boral. Powell tawngkam mawi tak mai, "Happiness doesn't come from being rich, nor merely from being successful in your career, nor by self-indulgence. One step towards happiness is to make yourself healthy and strong while you are a boy, so that you can be useful and so can enjoy life when you are a man" hian Powell-an mipa naupangte hmakhua a ngaihzia a tilang chiang hle awm e.
Scout Movement chu eng nge a nih hrechiang turin a Promise leh Law te lo tarlang ila:
Promise: On my honour I promise that I'll do my duty to God and my country, to help other people and to obey the Scout Law
Scout Law: 1) A Scout's honour is to be trusted
2) A Scout is loyal
3) A Scout's duty is to be useful and to help others
4) A Scout is a friend to all and a brother to every other Scout
5) A Scout is courteous
6) A Scout is a friend to animals
7) A Scout obeys order of his parents, Patrol Leaders or Scoutmaster without question
8) A Scout smiles and whistles under all difficulties
9) A Scout is thrifty
10)A Scout is clean in thought, word and deed.
Scout Movement hi mipa naupangte nunkaihruaitu tha tak a ni tih chu khawvelin a hre chiang ta hle mai a.Tunah hian khawvel ram hrang hrang 161-ah Scout Movement hi din a ni a, member pawh maktaduai 30 chuang an awm mek a ni.Mizoramah pawh Scout Movement hi Sports & Youth Services Deptenkawlna hnuaiah chak taka kalpui ve mek a ni.
CENTRAL YMA NEWS
@ Ni 13-25.8.2012 chhunga Art & Culture Auditorium, Berawtlanga Central YMA buatsaih Ruihhlo ngaite puala Chhanchhuahna Camping chu ni nimin khan an chhuak. He Camping-ah hian Campers 292 an lut a, Pathian a siamtharna changte chu mi 181 an ni. Speaker Upa Lalhmachhuana a ni a, Pathianni atanga Thawhlehni zan dar 7:00pm ah Chanmari YMA hall-ah Follow Up hi chhunzawm a ni anga, Cable TV ah Live-a tihchhuah a ni bawk ang.