Election chungchanga zawhna zawh tur neite chuan he No 1950-ah hian Office hun chhungin zawhna zawh theih a ni e.
Property Sub-Com kohna
Vawiin tlai Dar 3 ah hian Chanmari West Branch Y.M.A Property Sub-Committee te Chairman Pu T.C.Lalhmangaiha In, Ch-Section ah meeting neih tur a ni a, kohna hranpa siam a nih loh avangin hei hi kohna ah ngaih tur a ni.
ZCC NEWS
@ Ni 23-25.8.2011 chhung khan an member mi 18 te Zawlnuam-ah Song & Drama Programme neiin an kal a, Dhamchera Bazar, Tripura an tlawh nghal.
@ Kan hma lawka Chief Minister Running Trophy, Cultural Dance competition neih turah Branch YMA-in lam zir a tih huna zir vek turin Club member-te an ngen.
@ Ni 29.8.2011(Thawhtan) hian Vanapa Hall-ah NE Cultural Festival programme nei turin an in buatsaih mek a ni.
@ Club Dress hawhtu ten an derss hawh te dimdawi tak a hmanga, a hun taka dah let leh thin turin an in ngen.
SUB-CENTRE NEWS
@ Health Care enrolment ti Chanmari West Indoor Stadium-a thla la te kha in thlalak (Smart Card) a chhuak tawh a, naktuk thawhtan(29.8.2011) hian Sub-Centre ah lam theih a ni ang. Tin, sawrkar hnathawklo MR Bill theihna enrolment tih mek a ni. September 2011 thleng hawn a ni ang. A ti tur chu hmanhmawh deuh tura hriattir kan ni e.
LAWMTHU SAWINA
Kan nau Lalrinmawia (35) S/o Zabawiha(L) Khawpuar-in Ni 22.8.2011 (Thawhtan) zana Rangvamual-a tawhsual a tawh chungchangah a ruang buaipuitu te zawng zawng, YMA Buk-a min tlaivar pui chungchangah te, Postmortem tura min buaipuitute, Kuang mawi tak min siam saktu Chanmari West Branch YMA, Puana mawi taka min tuam saktute, Pangpar dahtu MHIP, Vengchhung nu leh pa te leh Khawpuar lama a ruang min phurhsaktu bialtu MLA Pu R.L. Pianmawia chuangah lawmthu kan sawi a, he kan lawmthu sawina hi a tul anga min buaipui tu zawng zawng ten min lo pawm sak turin kan ngen a che u. Rethei leh chanhaite tan a in thawhrimna leh inpekna hi ngaihsan awm kan tiin Pathianin a let tam taka malsawmna in a vur theih nan che u lawmthu kan sawi pahin kan tawngtaina a ni e.
In khawngaihna dawngtu,
LALHRATLIANA
Taitesena section
Letter to Editor
Subject : Thil bo chungchang.
A hnuaia ka han tarlan ang hian kan thil bo chungchang ka rawn tarlang duh a, veng mipuiten fimkhur phah nan leh kan inrinlawk theihna tur a nih beiseiin a remchan dan angin chanchinbu-ah min lo tarlan sak thei la ka lawm hle ang.
Ni 22.8.2011 tlai lam dar 4:00 bawr vel khan kan innghak nula chu hmeichhia leh mipa in luhchilhin a ka an hup sak a, bengchheng a siam chuan thah hiala vauin chumi te chuan kan Gas bur 2 chu an la chhuak (ru) a, he thil thlen hma hian hmeichhe pakhat (Raipuar nia hriat) chuan in hrang hrangah lutin Gas leh buhfai a zuar kual bawk a, he nu pawh hi kan inah lutin gas a zawrh chu kan nula chuan kan lei duh loh thu a hrilh hnuah awm chilhin chhungkaw chanchin chipchiar te zawtin a tawpah phei chuan gas bur hawh chhuah te a dil ta hial a, hemi hnu hian a kal chhuak a, a hnuah chuan nula leh tlangval-te chu rawn lutin hmeichhia zawkin kan nula chu a hmui hup sak pah a thah a vauin hemi chhung hian mipa zawk hian kan gas bur awmna chu rawn luhchilh nghalin a thiar chhuak nghal a, an tlanbo nghal a ni.
Hemi chungchangah hian nu pakhat leh nula leh tlangval te hian plan fel tak neia inthurual ni ngeia hriat an ni a, gas bur hi ruk bo mai nilova in vau behna hial a thleng ta hi a pawi hle a, hemi avang hian veng chhung nu leh pa te pawhin inzirtirna tha zawk leh fimkhur phah nana kan hman beiseiin he thu hi ka rawn ziak a ni.
Tin, hemi chungchangah hian heng mite hi lo hrechiang kan awm a nih chuan min hriattir vat turin kan beisei bawk a ni.
I rintlak
Lalhmachhuana (Mch-a)
Chawngbawla Section
Ph : 9862526021