- C. Lalzarliana
Khawvel hi tun ang zela a than chak chuan mi tam tak chuan a awmzia leh a nihphung pawh hi kan hre lo mai thei awm e. Chuvang tak chuan kan hriat loh lai hian min delh tu a tam tial tial a, leimin emaw, lung lum in emaw min delh kher lo pawh a ni thei. Mahse kan kalphungah hian min delhtu hi a tam zel dawn niin a lang. Chung zingah chuan kan mit a kan hmuh reng leh min delh rengtu Electric thil hi kan paih bo mai theih chu kan paih bo ve hret hret a tul ta hle mai. Hre vek seng lo mah ila a hnuaia mite hi chu lo hre ve mai mai ila a tha awm e.
1. Electric kan hman tangkai loh thilte a awm chuan off zel.
2. Bulb leh tube-te a balh chuan tihfai thin.
3. CFL Bulb-te hman uar
4. I Fridge hnung lam Condenser leh a chhin vel bawr tifai thin rawh.
5. Fridge hi a rei lo thei ang ber hawng thin rawh.
6. Computer i hman loh chuan off thlap thin ang che.
7. Electric bungrua i lei dawnin ISI Mark ngei lei thin ang che.
8. Khawl changkang - fridge, Washing Machine, A/C etc i lei dawnin Star label lei rawh, Star tam tamin Current a heh lo zel.
Electric hi kan mamawhna a sang zel a, a tangkai zia pawh a takin kan mit ngeiin kan hmu ta zel. Amaherawhchu kan hman thiam loh chuan keimahniin kan tuar mai a ni lova ram pumin a tuar zel tih hria ang che. Chumai ala ni lo Khawvel pumin a tuar thei, a chhan chu lum a pe chhuak a, khawvel a lum phah a ni. Kan Bill alo sang bawk ang. Chuvang chuan a chunga kan han tarlan tlemte pawh hi zawm thei ila chuan kan Electric Bill a tlem anga, ram pum tan, khawvel tan kan thawk a lo ni anga, keimahni kan lo nawm phah thei a ni. Electric hman ruk leh Electric hrui hnaih lutuk a in sakte hi i ching lo bawk ang u.
VOLLEYBALL MANAGING BOARD
@ Ni 30.7.2012 atang hian tlai dar 3:00 second division in practise tan tur a ni a, dar 4:30-ah first division-in practise veleh tur a ni ang.
CHHUANAWM
Thansanga & Sons, Basic Pulse, Mizoram Drums Festival 2012 inelna a lawmman pakhatna dawngtu Lalngaihawma Zote hi Pu Vanlalruata Zote leh Pi Lalthanparite fapa pathum zinga a milai a ni. Chawngbawla Section a cheng Lalngaihawma Zote hi Ni 10.11.1991 khan a lo piang a, tunah hian ICFAI University-ah III BBA a zir mek a ni.
Naupang lai atanga fel, nu leh pa thuawih tak mai a ni a, Sunday School lamah pawh Pi Zaii Medal (kum 10 a zawna kal kim) pawh a lo dawng tawh a ni.
Drummers Link Mizoram ten an buatsaih drums invuak siakah hian mi 28 an tel a, chung zing atang chuan final lutin thiam ber nihna a hauh a, lawmmanah hian pawisa fai Rs 30,000/-, trophy leh Certificate a dawng a ni. A telna Kroashia Band hian ulbum tihchhuah tumin hma an la mek a ni.
SMS
Branch Executive Committee chuan SMS huang siam hi tha a ti a, chuvang chuan he huang hi kan dah leh ang, in duh zawng rawn sawi leh rawh ule, in mb. no. kim emaw hming emaw kan chhuah tel ang, tah hian thawn rawh le-9862358337.
ZOFA NEWS
@ Guwahati lama Club programme-a zin , member 10 te chuan dam takin ni 27.7.2012, tlai dar 3:00 - khan Aizawl an rawn thleng leh ta.
@ Dar bu tha tak an lei thar a, an neihsa te nena siam remin Darbu Group changtlung tak indin an tum mek.
@ Vice President Pu Thaa leh Asst. Secy Tv Mangheta-te chu ni 30.7.2012 (Thawhtanni) hian Champhai lamah an zin dawn a, tluang taka Aizawl an rawn thlen leh an duhsak.
ANGANWADI HRIATTIRNA
SABLA, hnuaia Vocational Training chungchangah hetiang hian tih thar leh tur a nih avangin Centre bial tin a tleirawl ten mahni awmna Worker-te hnenah Ni 30, July 2012 (Thawhtanni) ah Anganwadi Centre-ah in-report theuh tur a ni e.
Training duh turte chu kum 16-18 inkar Sikul kal tawh lo leh BPL memberte tan chauh a ni ang.
Thlanmual Sub-Committee
@ Ni 28.7.2012 khan YMA Zawlbukah Sub-Committee member leh Section tin Leader te kuang duan hnatlan a ni a, Chawhlui an kilho nghal.
@ Pasaltha Neuva In leh Gas a thlawn a phal taka hman tirtu Neuva section hruaitute chungah lawmthu an sawi.
@ Hun remchang hmasa berah Committee thut an tum.
Badminton Club
@ Aizawl Open Babminton Championship 2012-ah Chanmari West Badminton Club atangin Players 17 an chhuak a ni.
@ Aizawl North Zone Badminton Competition 2012 chu thlaleh hian neih tur a ni dawn a, Player-te lo inbuatsaih turin an inhriattir a ni.
@ Indoor Stadium Light siam that leh a chhuat rawng hnawih tha tura hmalak mek a ni.