Heng mite hi Vengdang atangin kan vengah an rawn pem lut a, mitha tak an nih ngei kan beisei.
1. Pu C.Lalrosanga te chhung, PTC Lungverh atanga rawn pem, Pu G.Zama in luah ‘N’ Section.
2. Pu Lalthakima te chhung, Zotlang atanga rawn pem, Pu Laldinthara in luah ‘CH’ Section
3. Pi Lalramzauvi Khiangte te chhung, Madanriting(Shillong) atanga rawn pem, Pi Lianhipi in luah ‘CH’ section
ZCC NEWS
@ Lam zir nana phal taka School kawt hmantirtu Chanmari West Middle School Headmaster leh Staff te chungah leh Indoor Stadium (TT Hall) hmantirtu Management Committee chungah lawmthu an sawi. @ Ni 3.5.2011(Thawhleh) zan hian lam zir leh tur a ni a, memberte leh hruaitute zan dar 7:30-ah Middle School kawtah kim taka kal vek turin an in ngen. @ lam zirna ah hian hnamlam lama tui mite kim taka kal theuh turin an in ngen takzet. @ Club Property phaltaka Library a dah tir tu CVTTP te chungah lawmthu an sawi.
MISTIRI ASSOCIATION THUCHHUAK
@ Mizoram Mistiri Association (MMA) General Headquarters thuchhuak angin, Chanmari west Mistiri Association ni 28.4.2011(Ningani) a Committee chuan, Mistiri hlawh hi ` 500/- ni tawh se a ti a, May thla atanga hman tan tur a rel a ni. Vengchhung nu leh pa te ngaih pawimawh sak turin an ngen.
WORKSHOP ON DISASTER REDUCTION Central Y.M.A kaltlanga District Disaster Management Authority,Aizawl District buatsaih “WORKSHOP ON DISASTER REDUCTION” Central Hall Venghlui-ah Ni 26.4.2011(Thawhlehni) khan neih a ni a, Aizawl veng hrang hrang atangin Y.M.A. aiawh mi pakhat zel an tel a ni. He workshop ah hian Dr.H.T.Chhunga leh Pu. Lalliantluanga SP. Wireless MPRO ten hun hmangin Slide Projector hmangin kal khawmte zirtir na an pe a ni. Chhiatrupna [Disaster] hi kan hnaivaiah engtik lai pawha thleng thei reng anih avangin engtinnge kan hmachhawn anga, chiai lova kan awm theih ang. Hliam tuar leh tanpui ngaite mumal leh awmze nei zawka tanpui turin engtinnge kan tih ang tih zirtirna hun hman a ni. He Worshop neih ah hian kan veng atangin Pu Vanlalvuana, N-Section chu a va tel a ni.
CHHIAT TAWH CHUNGCHANG A LAWMTHU SAWINA Kan Unau nu Biaknguri (Kum-47) in Presby. Hospital, Durtlang -a Ni 20.4.2011 a min boralsan chungchang ah Chanmari West veng mipui te leh YMA hruaitu leh memberten tlawmngaih chhuah a a ruang min buaipui sak leh kuang mawi tak min siam saka Khawzawl lama a ruang mawi tak a min thlahliam sak avangin lawmthu kan sawi takzet a ni. In mi khawngaihna hi keinin rul thei lo che mah ila Pathian in a let tam takin a rul ngei ang che u. In khawngaihna dawngtu, Zopari Vanapa Section.
Lawmthu sawina Kan Dawr ‘Frankie’s Collection’ Ni 24.4.2011(Pathianni) a a kan chungchangah veng chhung mipui tam tak a bik takin YMA Member ten chhin him tuma hlauhawm tak karah kan buai ngai miah lova, min tanpui a seng hawi ngaite min seng hawi sak vek a vangin lawmthu nasa takin kan sawi a ni. Kan dawr hawng tura beitute zingah inhliamte an awm tih kan hria a, a pawi kan ti hle mai. Kan tana in tha leh zung in sen zawng zawng hi kan hre reng a ni. Lawmthu kan sawina hi khawngaih taka min pawmsak turin kan ngen vek che u a ni. Lalpa’n malsawm che u rawh se. “VAN ATANGIN LALPAN LEI HI A EN RENG” In tanpuina ropui tak dawngtu K.Lalchamliana te nupa FRANKIE’S COLLECTION